الغـــــــــــالي اللي قلبي غــالاه... اطـــــــربت معاه ... انـــــــــــــــــــحبه للاه فللاه...
الغــــــــــالي اللي قلبي شـاهيه... خـــــــــذيت عليه... عــــــــــشقته بماليه ومافيه...
اجفــــــــــــــوني نواحات عليه... يبن مــــــــــــلقاه... اليــــــــاس ذبلهن من فرقاه...
الخــــــــــــاطر يجبد في طاريه... نبي ننســـــــــــاه... ايعــــــــاود يحيي في ذكـراه...
الــــــــــكبد اتنبش في ماضيه... اجـــــــروح غلاه ... فهن تنقض بش يســـطر داه...
الـــــــــــــــــعين دعيا يا خوتيه... فـــــــــــوين تـراه... اتفيض غنـاوي ومهــــاجاه...
جــــــــــــــواجيا ذابن في ايديه... كـــــــــــــما زبداه... انحطت عل كــفت مقــــــلاه...
الجـــــاش اللي استاحش غاليه... ايـــــــــجض بداه... افـــــــاهق في جوفي جواه...
رجـــــــــــــــــاي فعالي وعاليه... عــــــــــظيم الجاه... سنيد المسلم وان ارجـــــاه...
ازويل اللي ســــــــــود امياميه... ايصير لقــــــــــــاه... انــــــــعيدو ماضينا وزهاه...
تحاتي العاطرة للجميع
