من التراث الليبي اقدم اليكم هذه
التحفة الشعبية
الليبية ..والالزوجة تطلق علي
الشعر الشعبي والمغني ايضا.
فى الاصل معروفة القائل ولكن الشاعر
يرفض ذكر اسمه فيها وعليه تعتبر
من الشعر المجهول المصدر
--------------------
سبحان اللي هنتك وهونتيني
ونسيتك بعد ولعات ونسيتيني
هنتي هانك
تركتي ترك عقلي نسيه زمانك
غاليتي غليك العقل علاََ شانك
رفعتي رفعتك فوق حاجب عيني
برمتي علي ليش بعد أحسانك
خطا قبل ما نعرف ، وعلمتيني
مازال فيدي ماسكه عنوانك
اللي فيه واعدتي وما جيتيني
من يومها عندي نقص ميزانك
الله يسامحك في ما مضي قيليني
**** **** ****
باللي جابت
برمتي برمنا والعقيده خابت
نفسي علي لا تلومي عابت
برد الخطا واصل الخطا خاطيني
عندي عليك شهود حقي ثابت
عهد بيننا ما فيه وفيتيني
وانكانك نكرتي والعداله صابت
أنجيبلك أمضا يدك رهن في ديني
**** **** ****
نسيت زمانك
وقلبي مليتا صبر درت مكانك
واجد تبعتك غرني شيطانك
طرق قبل ما نعرف لهن جبتيني
سيات درتي غالبات احسانك
بشي بخس للي يكرهوا بعتيني
ليش تخدعيني ياقليل امانك
عطيتي اسراري للعدو خنتيني
ردي علي بيني برهانك
كان نقصت معاك طول سنيني
لكن بعد ريت الجفا عنوانك
الجافي عليه النفس ما ترميني
شاعف وشعفني كلام لسانك
تايب بعد حبك حلفت يميني
لانريد غيرك، لانريد مكانك
فضي خير قلبي ارتاح لا تشقيني
**** **** ****
جميع ماطرالي من تعب في شانك
حتي في منام الليل ما تهنيني
وجربت والتجريب من نقصانك
الياس شارته فوقك قبالة عيني
راضي بما قدر علي رحمانك
نحنن حنين الوارده خليني
نسكت انكان فكرت وقت احسانك
ونثور م السيات بعد تجيني
زايد وناقص ما ثبت ميزانك
تخبل علي الغزل لا تلوميني
الله يسامحك توا بنترك شانك
اللي بيننا حزت، نواطي عيني
**** **** ****
نسيت غلاها
ونسيت كل موصاير زمان معاها
علي وين ما تخطر نعد خطاها
دوا هناك ما كيفه لها ينسيني
نا فكرتي تعبر علي معناها
اللي جربت في الماضيات سنيني
اللي ما كنت نصبر نهار بلاها
وهي زاد ما تصبر ان غبت تجيني
بعد برمن لنيا وصار خطاها
ماعاد نرضيها ولا ترضيني.
----------------------------
1- قيليني = اتركيني
2-كاني = ان كنت
3-شاعف= لن اعاود الكره
4-طرالي= جري لي
5-الياس = قطع الرجاء
6- تخبل= اختلط ببعض وتلخبط
7-حزت= انتهت
8-برمن= المقصود بها الايام حين تعطي بالوجه الاخر
9-لنيا= النيات
10- باللي جابت= اي هذا يكفي
---------------
منقوووووووووووووول
