بعد عيشتك في العز ..

عبدو كتب:

انتي الرحيل اخترتي هنتي غلانا بالجفاء بادرتي
غرك المال دروبنا ودرتي
دمعه حزينه امهاجره خليتي

انتي بلا سيه غلايا هنتي
ورقن اعزامي احذاك ما رقيتي

فقدتي صوابك ثمرتك ودرتي
غامض كلامك بالألغاز حكيتي

كمين سبله جايبه خبرتي
قلتي اضروفي قاهره وبكيتي

بالسوم الرخيص فيا شريتي وبعتي
بعتي الوفاء وبيه الحرير شريتي

ما اتقول في عمرك حبيبه كنتي
ولا حبيباً لك في اغويتي

سقيتك الحب اكواب نين اسكرتي
من فيض ودى ومالحنان ارويتي

عطيتك اسنين العمر ما قدرتي
وانتي الجفاء والهجر لي عطيتي

منشاب الخيانه في الضلوع طمرتي
بسمك و مرك فى الوريدسريتي

ضاع المسار منك غلايا اخسرتي
وطفين اشموعه والفنار طفيتي

نسجتي اكفان الحب له قتلتي
ودفنتيه في قبره بعد صليتي

رسمتي النهايه احروفها سطرتي
جفن احبارك والكتاب طويتي

ايجيبك حنينك لي ما اصورتي
بدموعك وشوقك للورا وليتي

طارت الشرهه مالقصور وصرتي

تلحسي الصوابع م الندم تميتي