من لاشي.. يابال غايب من عزيز علي..

من لاشي..
يابال غايب من عزيز علي..
ديما العين اتنوح..


اتنوح ع البراني..
وتبكى على كل حد كان ايعاني..
ديما حنـــــونه عزمها خلانـــــي..
انشيل هــــــم الناس بين ايدي..
مــــن كل لوعه مكتئب تلقانـي..
ايبان الزعل والدمع فيها او فـي..
يا بــال عنها غيـــبوا حبانــــــي..
انظني ابكاها العمر كلا اشـوي..




على كل شي اتنوح..
وتبكى انشافت دم ولا اجـــــــروح..
ما عندها ف الحــــــــزن ديما روح..
عـــــــــزم البكا ما هو شديد قوي..
غالـــــي عليها الدمع وقت الموح..
تقــــــــول هاويه لدموع تلعب بي..
ماعـــــــد عرفته صدق ولا اطـــروح..
قريب تنعمى ويطفى عليها الضي..

رد الشاعر رجب الشيخى


بدون اسباب..
مـــــــــــــرات يبقى دمعها سكاب..
تذرف وما لوالــــــي اتدير احساب..
ولا ايهمها ف الدمع كان سخـــــي..
ومــــــــــرات يبــقى دمعها ينساب..
اتـنـــــــــوح الدعيه فى مكان خفي..
تبــكي علـــــي غالي عليها غاب..
لا دز لا فــكــــــــر نــهار ايجـــــــــي..
خذت ع البكا هى والدموع اصحاب..
واغلـــــب ابكاها من عزيز انســي..
الســـــــت قالت ع "الهـــــوى غلاب"
صــــــــــــدقتها ونبصم عليه بيديّ..

انت دئما رئع فى الشعر والقصيد مشكور

مش جديد عليك هذا الابداع ننتظر من المزيد والمزيد يا ميلاد .... تقبل مروري

مشكورين جداا على مروركم وردودكم الحلوه