دواء ننساك

دوا ننساك ** لا حملت عيبك لا حملت بلاك ** يا عزيز دورلي





دوا نسيان .. ياريت تلقى يا عزيز انكان





نمحى غلا محفور في الوجدان .. وفي القلب تالف من امرار خطاك





وفي امواقي .. دمعهن مليان .. وفي كسر خاطر صار من سباك





وفي مشاعر .. سدهن كتمان .. وفي كبد ذابت من سريب غلاك





غاليتك غلا ما مر بيه انسان .. وياما احملت انريد غير ارضاك





وياما قعدت المركبك ربان .. من خوف الامواج تودره مرساك





وياما ازعلت انجيتني زعلان .. ونمسح ادموعك ما انطيق ابكاك





ليش بعذاب اتردلي لحسان .. وليش ايتقلب كل يوم هواك





اتقابل جميلي ليش بالنكران .. اذكر امواقف سايرات امعاك





مالقيت في قلبك قرام حنان .. انزيد في المحنة اتزيدني بجفاك



دوا ننساك .. لا حملت عيبك لا حملت بلاك

مشكوره عزيزتى الغاليه على مرورك الرائع