.gif)
.......زعم هاجرك................
زعم هاجرك والا سريبك هانه
عزيز فارقك خلي امغير مكانه
......وايش تدبيرك.....
اليوم الجفا والموح بات مصيرك
وقف رحيله في مراسي غيرك
وكان يندري بدموعنا خلانا
.......بيدا بيدا........
عنك تغاضي والدروب بعيدا
اليوم الجرح والقهر والتنهيدا
حلن مكان افراحنا وزهانا
.......عدا عمرك......
وأنت أتلظي في لهايب جمرك
مكتوب لا بأمري ولاهو بأمرك
تبقي الغنيمه من غلاه شقانا
.....زعم هاجرك....
.............................
كانت
كانت زها للعين في ماضيها
سيرت غلاواشواق لو نحكيها
سريب اولافي
موال يجدد في الحنين الخافي
مازال كي يقوي لهيب اريافي
دار العزيز انزورها وانجيها
مسامح عدي
عالنار واللوعه وخونت ودي
نا كنت وافي فالغلا من جدي
وانت نويت اتهون قبل اتجينا
مالي حيله
حتي وهو يالاي مانمشيله
الدنيا اتغير بين يوم وليله
ماحد غير الله دايم فيها
كانت
................................
ليش
ليش ايزيد عليه اريافك
جافي هان غلاك وفاتك
سيات وعيبه
جبدك لأوهامه وسريبه
غاب وخلالك تعذيبه
في بحور الدمعه مجدافك
بالك تطويه
سريبه ياهبله وانسيه
مصير الدنيا تبرم بيه
ايجي بعبره مليوع اصدافك
ليش
..................................
يا امخلي
يامخلي عيني للفرقي
كي مادرت انشاء الله تلقي
تعرف مادار
افراقك من تلويع ونار
وجرح امخلينا سمار
ونار حنين امعانا ترقي
تذوق التعذيب
ونار اللوعه والتسكيب
اتجرب وين عزيز اغيب
اللهفه وامراجات الملقي
وانشدني وين
ااتجرب مادرته فالعين
انجيب دواء للجرح امنين
اللي واجد متقاوي حرقي
يا امخلي
