السلام عليكم ورحمة الله وبركاته
مدردر علي العقل غايب علي الفكر مجروح مكسور خاطري
صعبت علي روحي قلت:
نا المريض من ضيعة غلايا
قوتى مر والمونه نحيب
ونا المجروح وما جابوا دوايا
ننزف دم وما القيت الطبيب
ونا المطعون بين كبد وروايا
سكني جرح تطبيبه صعيب
ونا المكسور مطرطش شظايا
فايت في ظمادي عطيب
ونا العطشان وورودي ظمايا
عليه قصرت عالمنهل رقيب
ونا المقهور من قلة هنايا
وقل الفرح وغياب الحبيب
غاب علي سيبلي عنايا
هجر وموح فى حاله تعيب
ظلمني ظلم خلاهن هتايا
ادموع اتقج وعبرات وسريب
زرعت الورد ونحصد فى السوايا
جانى الكيد حتى م القريب
سقيت الود ونشرب في صغايا
نا المقتول وتميت الطليب
كسيرجناح متقطع الوايا
كي اليتيم وين تما ربيب
كبروا نار في جاشي خفايا
شاطت في نين دارت لهيب
ميت موت غير ناقص عزايا
ديروا طار وديرولي نديب
خير مالقهر وزمطات السوايا
ظلام القبرعالدنيا انغيب
ود
مشكور يا عبودى
