وين ما الليل مسا تحلف علي اتقول ماني نا ..لو كان ريتني

وين ما الليل مسا= تحلف علي اتقول ماني نا
ساعة الليل وقربه=ناخذ الخلا نسرح اتجيني خربه
واللي لخاطري كانوا زها وطربه =علي يخطروا ونقول يانا نا
اللي ماابلي بحكام خش التربه=تموا لخاطري مشغال قطع لوا
وتليقلي م الاوهام خير الهربه= وخير من ديارا قاعدات خلا
وخطوركم علي غفلات كيف الحربه= اللي طعنها مارق في عزيز ادماه
ساعة الليل الماسي=وساعة ظلامه وين روح كاسي
ايضيقن علامي نين نكره ناسي= وتكثر مجاجاتي وقولة اه
وناخذ الخلا غادي انجر امداسي= واندوّر علي سبله انسيل ابها
نلقى دياركم خلوه احذاي محاسي= بكيت نين من ينها امعاي بكا
حتى اللي شديد اعزوم قلبه قاسي= ندابتي سمر منها وجض ابها
وقال زاد ناكيفك امخاطي ناسي =وطاحناتني ليام طحن رحا
وين ما الشمس اتغرّب= ويجي نسومها هادي للحجوج اتقرّب
يضايق سما عقلي والكلام انخرّب= ويبقى السمح عندي والعطيب سوا
ومايلومني لايم ان كان امجرّب=وبوعقل كامل مامعاه خطا
وبو عرف ناقص ماعليه اتقّرب= حتى مقعدك طرحه احساب خلا
كيف من ظلم روحه بالنخال امزرّب= يحسابه الا دايم له تم ذرا
امعا امقالبة لرياح تم ايسرّب =ارمنا عواصف فوق ف الصحرا
وين ما الليل مسا =تحلف علي اتقول ماني