ريم اوعار للقانص طريدة=ننظر فيه رايض ف الوهام
مانس غير ما نيتي نصيدة =كان حلال كي صيده حرام
ويش نريد في لوعة جديدة =يكفي جرح نازف ع الدوام
طرف انظري شوره طاش بيده =نظر جهّام غاشيه ظلام
وعاد العطر يغشاني رويده =رويده لي سارقته انسام
خلاّ العين نظرته قصيدة =فيه تقول ترمي في سهام
توقت شمس تشكع في جليدة =وجهه تاق كاسيه ابتسام
شال اميام نظرتن شريدة =نا من قبل نعرف هالميام
جيت تقول حادرتبي هويدة =ووين اقربت خانني القدام
ابقيت تقول حارنه بي جيده =ساعة عرض وحشود وزحام
وهو بخطاه كي يدنا يزيده =نبض القلب من رق العزام
يرجف تم من خضة وريده =يقحش قحش ما عانه لجام
قطعت شك هذا اللي نريده =حنّ الله جابنه اقسام
هذا داي ولجرحي ضميدة =جا من غير موعد لا علام
جا ملهوف شوقه هو قليدة=كي ما بي طير الشوق حام
يا مبهاك من لحظة سعيدة =طيبك يوم خير من ألف عام
أضحك وأضحكت مي ساعة نقيده =يوم الفرح تنكب يا حشام
همس لي همس بنغمته الفريدة =قال سلام رديت السلام
ايدي بشوق كي مديت ليده =طار النوم ثاريته منام
مانس غير ما نيتي نصيدة =كان حلال كي صيده حرام
ويش نريد في لوعة جديدة =يكفي جرح نازف ع الدوام
طرف انظري شوره طاش بيده =نظر جهّام غاشيه ظلام
وعاد العطر يغشاني رويده =رويده لي سارقته انسام
خلاّ العين نظرته قصيدة =فيه تقول ترمي في سهام
توقت شمس تشكع في جليدة =وجهه تاق كاسيه ابتسام
شال اميام نظرتن شريدة =نا من قبل نعرف هالميام
جيت تقول حادرتبي هويدة =ووين اقربت خانني القدام
ابقيت تقول حارنه بي جيده =ساعة عرض وحشود وزحام
وهو بخطاه كي يدنا يزيده =نبض القلب من رق العزام
يرجف تم من خضة وريده =يقحش قحش ما عانه لجام
قطعت شك هذا اللي نريده =حنّ الله جابنه اقسام
هذا داي ولجرحي ضميدة =جا من غير موعد لا علام
جا ملهوف شوقه هو قليدة=كي ما بي طير الشوق حام
يا مبهاك من لحظة سعيدة =طيبك يوم خير من ألف عام
أضحك وأضحكت مي ساعة نقيده =يوم الفرح تنكب يا حشام
همس لي همس بنغمته الفريدة =قال سلام رديت السلام
ايدي بشوق كي مديت ليده =طار النوم ثاريته منام
