هااتف ريدى وين يرن عقلى يتوه وقلبى يحن
خلي كلام الناس وخوذ الزبدة غلاك فات القلب وصل للكبدة
كيفك في الدنيا ماظني من نظرت عيني تفهمني
يالولاف النوم بعدكم ........ ....... غاب علينا كى غيبتكم
العالم الله اقد ايه # غلاك يا زينه دايب فيه
من كم سنه وانا ميال ميال #بلاك انتي ما يهنا البال
ليلي نهاري حبيبي # عن فكري ما يوم تغيبي
مريض أنعاني حال أعداك ... دواء ماعندي غير غلاك
الخاطر تحسابوه ناسيكم * * * * زمانه يلهى فيه عليكم
حظه زين الغالي فينا ماننسوه انكان انسينا
ماطاوعني خالف كلامي مابغي يسمعني عنك نهيت القلب ماطاوعني ديما يصونك
مابا علي البعاد يهونك كل مانجي ننهاه يوقف دونك موحال عنه قالي تمنعني
موسك جره
ولو اقدرت بط البطن عنـــــد الســـره
افتـــــح وبيـــدك شـــــد قلبــــى بــره
تلقــــى احـــــروفك فيه يا جارحنــــى
وحاول اتصون باقى الجسد ما اتضره
ولــــو اتريحك يا منــــاى نا اتريحنى
وكنـــك اتريـــــد اتديرهـــا بالمــــره
خــــوذ راحتك يا منـــاى نا شرحنى
ياعزيز اذبحنى
كيف ذبح كبش العيد ما اتسامحنى
انكانى انسيتك
كان غفلت
عنــك دقيقـــه ف الحياه انشغلـت
ولوكـــان ودى معـاك ما واصلــــــت
موسـك وعنـدك ديرها شرشحنـى
وسنن ســواطيرك بعـــــد طـولت
وكســـر اعضامى ماللحم شلحنى
واشوى جميع اللى عليه حصلت
وفوق نار حمراء ياعزيز اطرحنى
واللـى فضــــل منــى جميل قبلت
قــديــد ديرا خير مــا اتطـــوحنى
الليل يرقده المتهني ونا نومي شالوه الغوالي عني
ما انخليكم و ما نستغنى و ما نفرط فيكم
اعزاز خاطري والقلب ينبض بيكم
حتى كان اريافه رنة ربى ما يحرمنى منه
رفعـت عيـونـي فـي لولاـف ,, انريـد نعـاركـ. زدتــ. اريـاف
ما زلت داير فى الصميم احسابي انتم عيونى موش بس احبابي
ما انخليكم و ما نستغنى و ما نفرط فيكم
اعزاز خاطري والقلب ينبض بيكم
لو كـان نرقـد وفي المنـام إتجينـي ,, نحلـف بربـي ما عـاد نفتـح عينـي
تصدق ... لو قتلك نبيك.. وميت موت على ملقاك.
وعمرى كله شفته فيك.. نقسم روحى نا وياك..
اتصدق ما نتحمل فيك الشوكة يا بال امجافك...
اللى تطلبها نا نعطيك ... على ادلل خوذ وهاك...
اتصدق بالعمر انفاديك.. وكل الدنيا ما تسواك...
انت عندى هذى وهذيك... وفاعيونى محسوب ملاك!!!
أتصدق؟
شاري ألمعزه منك أنعزك صحيح ومانخيب ظنك
شاري ربيع ارضاك لانزعلك ولاانطيق طول جفاك
أنسلم عليك بشوق كي نلقاك وكي اتغيب نرسلك وننشد عنك ..
تخطر عليّ فِي عز ضيقة علمِي ,,
تهدي الخواطر و الأفكَار ترُوق ,,
تخطر عليّ ما بِين نُومي و حلمِي ,,
نصحَي و نا كُلي حنِين و شُوق
............................
