درنه .. ويش درنه .. للى ما عرفها أنقول ...
أومن ما عرف درنه ؟ ... درنه طيب القول ...
وهمس النسايم للجناين والحقول...
أُوْورد عاطر .. عن طيب خاطر
يهدى النحل أشهى رحيق ....
أُوْيَد عيل بالضرير تعبر طريق ...
درنه رق أحساس ...
درنه طيب أنفاس ...
وحر الظما يطفيه شهد الكاس ...
وبسمه ودوده صافيه ...
ما تغادر وجوه الناس ...
مازلت نسكن فيها .. ومازال تسكن في ...
مازال الخيال إيجيها .. ومازال اتهايالي ...
في قطر الندى رفّة جناح الطير ...
وشفق دامي في الغروب جريــح ...
في ضحك النسايم فوق وجه غدير ...
وحفيف السعف من تحت يد الريح ...
في خمسة عوايل ضامتهم د ر ...
افْصونية الذوقه أتلف
ما بين جار اوْجار ...
في عناد بين شايبين ... ردو على بعضهم سلام ...
أوْقعدو افتركينه أبمقهى ...
قريب من سوق الظــلام ...
واحد أيـقـول للآخر:
لا اتلف لي لا اتعوكر...
الفوز للإفريقي أمصوقر...
اوْلاخر أيقوله خرّف:
اليوم دمعك تذرف .. أوْتمشى عليك حسوفه ...
اليوم لازم تعرف .. أن الكوره أفْدرنه .. الدارنس معروفه ...
درنه ويش درنه ؟؟
درنه طيب تراب ...
حاضن عْظام أصحاب ...
حاضن عظام أجدود ... درنه كف الجود ...
أيخطر على من كف عمتي صالحة ...
يمسح على وجهي الحزين ..
جور الليالي الكالحة ..
اوْينفض غبار زلزال في روحي علقْ* ..
أ وليْ يمتد ابْطبق ..
فيه فردتين تنور ..
اوْربطتين نعناع .. اوْحزمة حبقْ
وتاريخ بالعزه عبقْ
منقوش في صخور جْبالها ..
مرسوم في عيون أطفالـها ..
أيقول هذى درنه ..
نوح السواقي الراحلة شور البحر بأشواقها ..
ومرفأ العز اوْساحله وْطيب الحياه ورواقها ..
أوّاه درنه أوّاه ..... لو نصيد يامـا انقولْ ..
لو نصيد نغزلّك قوافي عقود ...
من نجوم ا لليل .. من نور القمرْ ..
لو نصيد نحكيلك على لسطى عـمرْ ..
وعلى فن في درنه ظهرْ...
بس خفْت المعاني أتخونني .. اوْما تسدني هالصفحة
يكفيني اليوم من جنتك هالنفحة ..
ازددت بيها عرض .. وازددت بيها طول ..
والله يا محبوبتي .. شعري احذاك أيطاطي
ولك راسي انواطى
ونقولك سامحيني حسنك عظم في عيني
مالقيت فيه ما نقول
درنه يا همس النسايم للجناين والحقول
أومن ما عرف درنه ؟ ... درنه طيب القول ...
وهمس النسايم للجناين والحقول...
أُوْورد عاطر .. عن طيب خاطر
يهدى النحل أشهى رحيق ....
أُوْيَد عيل بالضرير تعبر طريق ...
درنه رق أحساس ...
درنه طيب أنفاس ...
وحر الظما يطفيه شهد الكاس ...
وبسمه ودوده صافيه ...
ما تغادر وجوه الناس ...
مازلت نسكن فيها .. ومازال تسكن في ...
مازال الخيال إيجيها .. ومازال اتهايالي ...
في قطر الندى رفّة جناح الطير ...
وشفق دامي في الغروب جريــح ...
في ضحك النسايم فوق وجه غدير ...
وحفيف السعف من تحت يد الريح ...
في خمسة عوايل ضامتهم د ر ...
افْصونية الذوقه أتلف
ما بين جار اوْجار ...
في عناد بين شايبين ... ردو على بعضهم سلام ...
أوْقعدو افتركينه أبمقهى ...
قريب من سوق الظــلام ...
واحد أيـقـول للآخر:
لا اتلف لي لا اتعوكر...
الفوز للإفريقي أمصوقر...
اوْلاخر أيقوله خرّف:
اليوم دمعك تذرف .. أوْتمشى عليك حسوفه ...
اليوم لازم تعرف .. أن الكوره أفْدرنه .. الدارنس معروفه ...
درنه ويش درنه ؟؟
درنه طيب تراب ...
حاضن عْظام أصحاب ...
حاضن عظام أجدود ... درنه كف الجود ...
أيخطر على من كف عمتي صالحة ...
يمسح على وجهي الحزين ..
جور الليالي الكالحة ..
اوْينفض غبار زلزال في روحي علقْ* ..
أ وليْ يمتد ابْطبق ..
فيه فردتين تنور ..
اوْربطتين نعناع .. اوْحزمة حبقْ
وتاريخ بالعزه عبقْ
منقوش في صخور جْبالها ..
مرسوم في عيون أطفالـها ..
أيقول هذى درنه ..
نوح السواقي الراحلة شور البحر بأشواقها ..
ومرفأ العز اوْساحله وْطيب الحياه ورواقها ..
أوّاه درنه أوّاه ..... لو نصيد يامـا انقولْ ..
لو نصيد نغزلّك قوافي عقود ...
من نجوم ا لليل .. من نور القمرْ ..
لو نصيد نحكيلك على لسطى عـمرْ ..
وعلى فن في درنه ظهرْ...
بس خفْت المعاني أتخونني .. اوْما تسدني هالصفحة
يكفيني اليوم من جنتك هالنفحة ..
ازددت بيها عرض .. وازددت بيها طول ..
والله يا محبوبتي .. شعري احذاك أيطاطي
ولك راسي انواطى
ونقولك سامحيني حسنك عظم في عيني
مالقيت فيه ما نقول
درنه يا همس النسايم للجناين والحقول
