بنبدا فى وصفك ياجمال بلادى....فى شرقه وغربه وفى الجنوب الهادى
بنبدا بوصف أمشرق....نسيت البحر بحرى بلادى أيغرق...أنى بلادى كلها زين مايتدرق...مدينة وريف و جبل و الا بوادى...
بنبا بأى مدينة....وكل المدن انحبها وحنينة...لمن عاش فيها طفولته و سنينه...وحتى ولو مرات يمشى غادى
وكانى بنوصف ريفى...يعجز لسانى وأنقصر أف توصيفى...من غير نبقى بالخيال و طيفى....أنطوف فى الجمال الفاتن الوخاذى
خايف أنقصر بكلمتى و تعريفى
باجمل مناطق ريفنا فى بلادى
أيا جبال بلادى...نفوسة الاشم بناس أصل بلادى ...والآرواغ اللى بحرى الهروج سوادى...معاها الجبل الاخضر عرين جهادى ... وتادرارت اكاكوس قديم أينادى
و البادية الجميلة....اللى ف وصفها تبى ابيات طويلة....ولو حتى قعدناه النهار وليلة....وأنعاود انكررها من أول بادى
محال ولو باق أيام قليلة... من عمرك تقول زيد كرر عادى
وبالذات لو عندك رفيق تحكيله...على صيد الحمادة الواسعة
و الوادى...وكان درت صاحب فى البدو تمشيله...تلقاه زى كل البلاد أجوادى....ولو قلت بيت من النثر تدويله...تلقاه من فحول الشعر غرادى..
وبنبدا بوصفك ياجمال بلادى....شرقه و غربه و الجنوب الهادى...ماعرفتش منين!!!!
ولو طفت بالسيارة...بديت من أمساعد للغرب عند زوارة...فى كل مرة تقول هاذى دياره...الجود و الكرم صفة أولاد بلادى...ولو تنزلوا الجنوب وسط صحارا...بنفس الكرم والجود ترجع راضى
وبنبدا بوصفك ياجمال بلادى شرقه وغربه و الا الجنوب الهادى....ماعرفتش أمنين!!!
يا ليبيا يا بلادى حبك غرسته فى قلوب أولادى
ومن قبل ما يخبر عليه أستاذى
آنى نعرفه
يا بلادنا الليبية
قداش بعد ربى اتعزى عليا
ومهما كتبت عليك قلت شوية
نختم ونقول نبدا من أول بادى
وأنريد نشعر فى جمال بلادى شرقة وغربه و الصحارى غادى
ماعرفتش منين!!
لما دخلت الصحراء...القيت آثار الغزاة مندحرة....اللى غزوك من جو البلاد وبحره
قعدهن سنين عجاف سود سوادى
ورجع خايب كيف ماولى الورل لجحره
رحل بعد ما عانى سنين جهادى
لواحاتنا تسليمة...اللى فقبر عون و ام الماء و أف بزيمة
واف سردلس العوينات قلت أكليمة
واللى فى وان اويس ذات القيمة
أحلى مكان سواح وسط بلادى
ولو شفت سهل تهالا...اللى قريب من كاف الجنون قبالة
ما ايخوفك ايرحب ايقول تعالى
أنا كاف للجنى وأنس بلادى
وشوف غات و البركت ودور كمالة
على جبال تاسيلى حدود بلادى
أمشرق فى حد الصفرا..تلقى على حدود البلاد الكفرة
وفى وسطها ودان فقها الجفرة
مع سوكنة وارجع و ولى غادى
أرجع قدا تازربو...منبع النهر اللى امبحر شربوا
زغلل سراب لاباعدوا لاقربوا
لين ليل الليل و الجو صافى هادى
ليل الليل بنجومه..غايب قمر (أيور) أول يومه
سبحان من زين سما منظومة
بنجوم ماتعرف لهاش اعدادى
ونور الصبح بضيه...تيممت وين نقصت على الاميا...صليت ماعطلت قالوا هيا
بنكملوا رحلة جمال بلادى
قالوا بعد هالليلة...بنمشوا قدا القطرون بعد زويله...بعدهن الزيغن وفى تراغن ليلة و بنبات فى قرب الغريفة وادى
الوادى وفيه أوبارى...اللى فيه بنعاود جميع أشعارى...كراهب ستيشن كلها سافارى
برجوج متخندوش تبى غادى
فيهن سماح اغزلا..كافرات لامن صام لامن صلى
اللى زينهن مهما طغى و تعلى
ينهار كان طلن بنات بلادى
بعدها قصدنا جالو...وفى أوجلة أمازيغها مازالو..يتكلموا وصدقتهم وين قالوا...(تينييه) لأحلى تمور بلادى
ولما وصلنا هراوا...بدى حبنا يكبر وزاد تقاوى...بالذات وين طلت علينا مرادة...ومن أسمها قلبى ذكر مرادى
ومن اجدابيا لبنغازى...نسينا صحارى رملها غيازى...وتركنا الحمادة مع صقور البازى...اللى قعد فيها الصيد والصيادى
وصلنا الجبل الاخضر عرين جهادى
يا مسمحك من طلة ...بدينا من الباكور زاد تعلى...تذكرت بوغيلان فكرى ولى...طريق ملتوى مرتاح فيه زرادى
ومن المرج بيتاكل جميع الغلة...مزارع خضارأنتاج ماهو عادى
غير وين انقضى ليلى...ومن تاكنس نبى طريق أمخيلى
ويادمعتى من النقناق هيا سيلى
غناوة علم بطنان يغرد غادى
أيغرد قداها امساعد...ومن طبرق على الجغبوب شى مباعد
وآنا مع درنة الليل مواعد
اللى فى حضنها قضينا أيام سعادى
ونمشى ونوصف فى جمال بلادى شرقه وغربه و الجنوب الهادى
بديت نعرف امنين
من يوم جينا درنة...اللى فوصفها بكل الكلام أحترنا
احنا و الجبل و البحر اللى مجاورنا
شربنا من الشلال وسط الوادى
ركبنا قصدنا القبة...هاللى الخضار فيها امداير صبة
جمال الطبيعة و الحسن صنعة ربه
الله يحفظ بلادى من الحسادى
وراس الهلال لملودة تمشى تعاود دوم عندك عودة
وفوصف المكان انألفوا مجرودة
لين توصل البيضا البعيدة غادى
ولما وصلنا البيضا...يا مسمحك بلدة خضار عريضة
خضارك العش وانت فوسطه بيضة
بلاد الكرم و الناس فيك أجوادى
و الابرق معاها سوسة وشحات مع آثارها مدسوسة
تقول جوهرة فوق الجبل محروسة
تبان لؤلؤة من وسط البحر الهادى
جنب البحر بأميا...مشينا لقيناه المصيف حنية و مصيف جرجرمه السمح وصفه زيه
و الموج يدلفق تقول جرادى
بعد ما تفوت بريقة...نفوت على المكان هاللى الصبر ما يطيقه...حبس العقيلة اللى زمان طليقة....حبس القبيلة و النساء و اجدادى...الله ايشيط جراتسيان وريقه....اللى قتلوا وشنقوا النسا واولادى
فى منطقة صحرا أرياح حريقة... اللى شرق بوقرين وسرت بن جوادى
بعد ما تفوت بريقة...نفوت على المكان هاللى الصبر ما يطيقه...حبس العقيلة اللى زمان طليقة....حبس القبيلة و النساء و اجدادى...الله ايشيط جراتسيان وريقه....اللى قتلوا وشنقوا النسا واولادى
فى منطقة صحرا أرياح حريقة... اللى شرق بوقرين وسرت بن جوادى
ووفى منطقة مصراتة بدت من تاورغا بكثر نباته...الزين فى البناء اللى العين لا ما راته...نوارة هندسة و احسن عمار بلادى
ومن زليطن نخل مع كعام الخمس و امسلاته... نبدا دخول مرقب نفوسة الشادى..... هذا الجبل أعرق جبال بلادى
الزيتون فى ترهونة و من أمقبل ورفلة بوديانها المسكونة و غريان طلت بجمالها مزيونة و كثير من المدن مازال منها غادى
من قبل توصل جادو.....تلاقى أمازيغ يفرن عليك اينادو...أحسن طعام و احسن لباس أعتادوا....من الجود و الكرم مانرفع عوينى و زادى...
ايزيد للجبل حنينى...الزنتان و الرجبان شافت عينى....قبلها بلد ريان بتلاقينى...نسيت ككلة و قواليش قبل الوادى...ونسيت وامس قبله....ونسيت جندوبة ومزدة و جبله...وكانى نزلت تحت الجبل نركبله...بعد ما نسيت قصر الحاج جنب الوادى
بنبدا فوصف يا جمال بلادى أمشرق أمغرب و الجنوب الهادى ما عرفتش امنين
الرحيبات و الا حرابة مع تاندميرا أمظللتها سحابة ...كثرت علي فوق الجبل نحسابه...من كثر القرى و العدد دارن غابة...بأحجار من أنفس جبل فى بلادى
وكاباو و الطمزينى و نالوت وازن اللى مازال بتراجينى و غدامس اللى أحسن مناظر عينى...بعد ماترس و درج و سناون اللى بعادى...وليت يالا وازن هاللى سوانيهم فتونس حازن....ومن فوقها ربى سحابه مازن...يسقى التراب عطشان كل بلادى
احنا بلادنا عطشانة....حكمة الله و الله لا مانسانا....نستسقى الغمام
ونطلبك مولانا....لين يروى السهل و يسيل ماء الوادى
وليت لأم بلادى....طرابلس بعد ما طفت كل بلادى...مازلت لمغرب بنمشى على السيارة بعد مانفوت الزواية فوق مائة كيلو غادى
فى صرمان وفى صبراتة و يملى العجيلات النخيل نباته....بعدها فيافى ملحها حتحاتة.....القيت جوهرة فى آخر حدود بلادى
قالوا أسماها زوارة....آنا أرتحت و ارتاحت السيارة...وجوه ناسها بشوشة تقول بشارة...و الله يحفظم من الحسادى
ويلول و العطوشى ويعلى و بوسهين و البوشوشى...سبخة غريب
عشين جارى فى حوشى بالخير لاقانى على أينادى
تبارك الله زوارة....نشاط أهلها كيف نحل فى نوارة...ماشى وراجع للخلية داره...أنا ضيف فى أكرم ديار بلادى
الشاهى معاه بسيسة....و التمر دقله عرفته بعد تغميسة...يا مكرمك ياحوش خالى عيسى...زى فى زوارة وزى جارى غادى
آنا نضت بينستاذن....قال الغدا بالحوت ماتستاذن...هدرز ارتاح و الظهر قرب ياذن....ياضيفنا قعمز وخلك هادى
بعدها طلعت عشية...فى آخر مدينة فى بلادنا الليبية....أمازيغها موش كيف الجبل ..أشوية...كلهم حضر مافيه حد بوادى
كلهم حضر و حضارة...و منورة بالمنتدى يازوارة... ونادى الجزيرة رابح المبارة...يجى يوم ياخذ بطل البلادى
الله يحفظك يازوارة....اللى كل من سافر لقاك بشارة....وقت السفر و وقت الرجوع لديارة...يا أحلى مدينة غربى حدود بلادى
وننهى القصيدة فى جمال بلادى...بديت من أمشرق و الجنوب و الهادى و بزوارة انتهيت
بنبدا بوصف أمشرق....نسيت البحر بحرى بلادى أيغرق...أنى بلادى كلها زين مايتدرق...مدينة وريف و جبل و الا بوادى...
بنبا بأى مدينة....وكل المدن انحبها وحنينة...لمن عاش فيها طفولته و سنينه...وحتى ولو مرات يمشى غادى
وكانى بنوصف ريفى...يعجز لسانى وأنقصر أف توصيفى...من غير نبقى بالخيال و طيفى....أنطوف فى الجمال الفاتن الوخاذى
خايف أنقصر بكلمتى و تعريفى
باجمل مناطق ريفنا فى بلادى
أيا جبال بلادى...نفوسة الاشم بناس أصل بلادى ...والآرواغ اللى بحرى الهروج سوادى...معاها الجبل الاخضر عرين جهادى ... وتادرارت اكاكوس قديم أينادى
و البادية الجميلة....اللى ف وصفها تبى ابيات طويلة....ولو حتى قعدناه النهار وليلة....وأنعاود انكررها من أول بادى
محال ولو باق أيام قليلة... من عمرك تقول زيد كرر عادى
وبالذات لو عندك رفيق تحكيله...على صيد الحمادة الواسعة
و الوادى...وكان درت صاحب فى البدو تمشيله...تلقاه زى كل البلاد أجوادى....ولو قلت بيت من النثر تدويله...تلقاه من فحول الشعر غرادى..
وبنبدا بوصفك ياجمال بلادى....شرقه و غربه و الجنوب الهادى...ماعرفتش منين!!!!
ولو طفت بالسيارة...بديت من أمساعد للغرب عند زوارة...فى كل مرة تقول هاذى دياره...الجود و الكرم صفة أولاد بلادى...ولو تنزلوا الجنوب وسط صحارا...بنفس الكرم والجود ترجع راضى
وبنبدا بوصفك ياجمال بلادى شرقه وغربه و الا الجنوب الهادى....ماعرفتش أمنين!!!
يا ليبيا يا بلادى حبك غرسته فى قلوب أولادى
ومن قبل ما يخبر عليه أستاذى
آنى نعرفه
يا بلادنا الليبية
قداش بعد ربى اتعزى عليا
ومهما كتبت عليك قلت شوية
نختم ونقول نبدا من أول بادى
وأنريد نشعر فى جمال بلادى شرقة وغربه و الصحارى غادى
ماعرفتش منين!!
لما دخلت الصحراء...القيت آثار الغزاة مندحرة....اللى غزوك من جو البلاد وبحره
قعدهن سنين عجاف سود سوادى
ورجع خايب كيف ماولى الورل لجحره
رحل بعد ما عانى سنين جهادى
لواحاتنا تسليمة...اللى فقبر عون و ام الماء و أف بزيمة
واف سردلس العوينات قلت أكليمة
واللى فى وان اويس ذات القيمة
أحلى مكان سواح وسط بلادى
ولو شفت سهل تهالا...اللى قريب من كاف الجنون قبالة
ما ايخوفك ايرحب ايقول تعالى
أنا كاف للجنى وأنس بلادى
وشوف غات و البركت ودور كمالة
على جبال تاسيلى حدود بلادى
أمشرق فى حد الصفرا..تلقى على حدود البلاد الكفرة
وفى وسطها ودان فقها الجفرة
مع سوكنة وارجع و ولى غادى
أرجع قدا تازربو...منبع النهر اللى امبحر شربوا
زغلل سراب لاباعدوا لاقربوا
لين ليل الليل و الجو صافى هادى
ليل الليل بنجومه..غايب قمر (أيور) أول يومه
سبحان من زين سما منظومة
بنجوم ماتعرف لهاش اعدادى
ونور الصبح بضيه...تيممت وين نقصت على الاميا...صليت ماعطلت قالوا هيا
بنكملوا رحلة جمال بلادى
قالوا بعد هالليلة...بنمشوا قدا القطرون بعد زويله...بعدهن الزيغن وفى تراغن ليلة و بنبات فى قرب الغريفة وادى
الوادى وفيه أوبارى...اللى فيه بنعاود جميع أشعارى...كراهب ستيشن كلها سافارى
برجوج متخندوش تبى غادى
فيهن سماح اغزلا..كافرات لامن صام لامن صلى
اللى زينهن مهما طغى و تعلى
ينهار كان طلن بنات بلادى
بعدها قصدنا جالو...وفى أوجلة أمازيغها مازالو..يتكلموا وصدقتهم وين قالوا...(تينييه) لأحلى تمور بلادى
ولما وصلنا هراوا...بدى حبنا يكبر وزاد تقاوى...بالذات وين طلت علينا مرادة...ومن أسمها قلبى ذكر مرادى
ومن اجدابيا لبنغازى...نسينا صحارى رملها غيازى...وتركنا الحمادة مع صقور البازى...اللى قعد فيها الصيد والصيادى
وصلنا الجبل الاخضر عرين جهادى
يا مسمحك من طلة ...بدينا من الباكور زاد تعلى...تذكرت بوغيلان فكرى ولى...طريق ملتوى مرتاح فيه زرادى
ومن المرج بيتاكل جميع الغلة...مزارع خضارأنتاج ماهو عادى
غير وين انقضى ليلى...ومن تاكنس نبى طريق أمخيلى
ويادمعتى من النقناق هيا سيلى
غناوة علم بطنان يغرد غادى
أيغرد قداها امساعد...ومن طبرق على الجغبوب شى مباعد
وآنا مع درنة الليل مواعد
اللى فى حضنها قضينا أيام سعادى
ونمشى ونوصف فى جمال بلادى شرقه وغربه و الجنوب الهادى
بديت نعرف امنين
من يوم جينا درنة...اللى فوصفها بكل الكلام أحترنا
احنا و الجبل و البحر اللى مجاورنا
شربنا من الشلال وسط الوادى
ركبنا قصدنا القبة...هاللى الخضار فيها امداير صبة
جمال الطبيعة و الحسن صنعة ربه
الله يحفظ بلادى من الحسادى
وراس الهلال لملودة تمشى تعاود دوم عندك عودة
وفوصف المكان انألفوا مجرودة
لين توصل البيضا البعيدة غادى
ولما وصلنا البيضا...يا مسمحك بلدة خضار عريضة
خضارك العش وانت فوسطه بيضة
بلاد الكرم و الناس فيك أجوادى
و الابرق معاها سوسة وشحات مع آثارها مدسوسة
تقول جوهرة فوق الجبل محروسة
تبان لؤلؤة من وسط البحر الهادى
جنب البحر بأميا...مشينا لقيناه المصيف حنية و مصيف جرجرمه السمح وصفه زيه
و الموج يدلفق تقول جرادى
بعد ما تفوت بريقة...نفوت على المكان هاللى الصبر ما يطيقه...حبس العقيلة اللى زمان طليقة....حبس القبيلة و النساء و اجدادى...الله ايشيط جراتسيان وريقه....اللى قتلوا وشنقوا النسا واولادى
فى منطقة صحرا أرياح حريقة... اللى شرق بوقرين وسرت بن جوادى
بعد ما تفوت بريقة...نفوت على المكان هاللى الصبر ما يطيقه...حبس العقيلة اللى زمان طليقة....حبس القبيلة و النساء و اجدادى...الله ايشيط جراتسيان وريقه....اللى قتلوا وشنقوا النسا واولادى
فى منطقة صحرا أرياح حريقة... اللى شرق بوقرين وسرت بن جوادى
ووفى منطقة مصراتة بدت من تاورغا بكثر نباته...الزين فى البناء اللى العين لا ما راته...نوارة هندسة و احسن عمار بلادى
ومن زليطن نخل مع كعام الخمس و امسلاته... نبدا دخول مرقب نفوسة الشادى..... هذا الجبل أعرق جبال بلادى
الزيتون فى ترهونة و من أمقبل ورفلة بوديانها المسكونة و غريان طلت بجمالها مزيونة و كثير من المدن مازال منها غادى
من قبل توصل جادو.....تلاقى أمازيغ يفرن عليك اينادو...أحسن طعام و احسن لباس أعتادوا....من الجود و الكرم مانرفع عوينى و زادى...
ايزيد للجبل حنينى...الزنتان و الرجبان شافت عينى....قبلها بلد ريان بتلاقينى...نسيت ككلة و قواليش قبل الوادى...ونسيت وامس قبله....ونسيت جندوبة ومزدة و جبله...وكانى نزلت تحت الجبل نركبله...بعد ما نسيت قصر الحاج جنب الوادى
بنبدا فوصف يا جمال بلادى أمشرق أمغرب و الجنوب الهادى ما عرفتش امنين
الرحيبات و الا حرابة مع تاندميرا أمظللتها سحابة ...كثرت علي فوق الجبل نحسابه...من كثر القرى و العدد دارن غابة...بأحجار من أنفس جبل فى بلادى
وكاباو و الطمزينى و نالوت وازن اللى مازال بتراجينى و غدامس اللى أحسن مناظر عينى...بعد ماترس و درج و سناون اللى بعادى...وليت يالا وازن هاللى سوانيهم فتونس حازن....ومن فوقها ربى سحابه مازن...يسقى التراب عطشان كل بلادى
احنا بلادنا عطشانة....حكمة الله و الله لا مانسانا....نستسقى الغمام
ونطلبك مولانا....لين يروى السهل و يسيل ماء الوادى
وليت لأم بلادى....طرابلس بعد ما طفت كل بلادى...مازلت لمغرب بنمشى على السيارة بعد مانفوت الزواية فوق مائة كيلو غادى
فى صرمان وفى صبراتة و يملى العجيلات النخيل نباته....بعدها فيافى ملحها حتحاتة.....القيت جوهرة فى آخر حدود بلادى
قالوا أسماها زوارة....آنا أرتحت و ارتاحت السيارة...وجوه ناسها بشوشة تقول بشارة...و الله يحفظم من الحسادى
ويلول و العطوشى ويعلى و بوسهين و البوشوشى...سبخة غريب
عشين جارى فى حوشى بالخير لاقانى على أينادى
تبارك الله زوارة....نشاط أهلها كيف نحل فى نوارة...ماشى وراجع للخلية داره...أنا ضيف فى أكرم ديار بلادى
الشاهى معاه بسيسة....و التمر دقله عرفته بعد تغميسة...يا مكرمك ياحوش خالى عيسى...زى فى زوارة وزى جارى غادى
آنا نضت بينستاذن....قال الغدا بالحوت ماتستاذن...هدرز ارتاح و الظهر قرب ياذن....ياضيفنا قعمز وخلك هادى
بعدها طلعت عشية...فى آخر مدينة فى بلادنا الليبية....أمازيغها موش كيف الجبل ..أشوية...كلهم حضر مافيه حد بوادى
كلهم حضر و حضارة...و منورة بالمنتدى يازوارة... ونادى الجزيرة رابح المبارة...يجى يوم ياخذ بطل البلادى
الله يحفظك يازوارة....اللى كل من سافر لقاك بشارة....وقت السفر و وقت الرجوع لديارة...يا أحلى مدينة غربى حدود بلادى
وننهى القصيدة فى جمال بلادى...بديت من أمشرق و الجنوب و الهادى و بزوارة انتهيت
