خطوة خطوة ,, و الصوب كيف الصيد يبي سطوة
كيف ما العلوة فيه , فيه الوطواه و يا عين قسي زين قبل اتقصي ..!
راقة راقة ,,من هو قالك يقسم كحيل ارماقه
هانك اتجضي لشوفته مشتاقة
اللي قبل فى نومه عليه اتعسي.!
عودك ذبل شوفي الوان اوراقه
اشقي بحالتك واضح عليك اتحسي .!
شوفي روحك ! نصيحة حبيب اودود ليك ابروحك
ايبانن اكبار امهلعات اجروحك بالعبرة امغير اتحدري و اتوصي.!
واصل لعاشر جار مبيخ نوحك واجد نصحنا فيك غير ادسي .!
قولتي خيرة و قولتي ادور ما اتلاقي غيره
هاوينا جفاك اليوم ويش السيرة جيبي اعذار لحالتك ما اتخصي.!
ما اتلوميني انا نعرفك من قبل ما تبينى
تمشي برايك تعبك يا عينى بديتي فوهم امعاه غير اتنسي.!
ابديتي حالة و ابديتي شماته للعباد اقباله
سوقك رخص تما البيع ادلاله بالدين باع اللى عليه اتمسي .!
هكى باهي .!بيك الشوامت يشربوا في الشاهي
هاوينا بعيد عليك قاعد زاهي ادعيله بطول العمر دمعك دسي.!
خلاص خلاص,, ارضي بواقعك يا ما مثيلك ناس
تمو ضحايا لبوغثيث اكداس امغير بالتعني مظهرتلي حسي .!
ورسي رسي ,,امغير ساعدي و انت عليه اتوصي
يا عين ننصح فيك .!
عبدومشكور
[/img]