منتديات شباب العرب

هلا بكم فى ربوع منتديات شباب العرب وننتظار مشركتكم معنا

www.drna.ahlamontada.com

نشكر كل من سـاهم ويسـاهم في الرقي بـ ,*: بمنتديات شباب العرب:*, ســواء إداريين او مراقبين او مشرفـين او أعضــاء
اتمنا لاستفادة والافادة لجميـــــــــــــــــــــــــــــــــــع*********
نطلب من جميع اعضائنا الكرام:وضع المواضيع حسب الاقسام واي موضوع خارج القسم المحدد سوف نقوم بحذفه
تحية شكرا الي كل منا ساهم او يساهم في نجاح وتطورالمنتدى, لكل من اعجبه المنتدى ويسعى جاهدا لرقي به :ونقول لكم المنتدى منتادك انشى لخدمتكم فساهمو في نجاحه

    دير عزم للشرمى + الحوتى + الحاسى +مشركه منى انا

    شاطر
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    دير عزم للشرمى + الحوتى + الحاسى +مشركه منى انا

    مُساهمة من طرف الزعيم في الأحد ديسمبر 27, 2009 3:29 pm

    ايقول الشاعر المرحوم : عقوب الشرمى
    دير عزم وانساها اللي نسياتـك لو كان فيها خيـر مـا فاتاتـك
    لاتـــطـــريـــهـــا ولاخير ف اللي ناسيه غاليهـا
    مضلوم انت وايجيبوا اللوم عليها اللي عاشرت غيرك بعد غياتـك
    لـو كــان بـنـت اصيـلـة ماكان باتت عند غيـرك ليلـه
    اليوم جايبه واشون وام عويلـه قدام العرب برخص ثمن باعاتـك
    ولا تــــــجّــــــدا وانسى غلا ماضي وفات وعـدا
    قداك تتركا م البـال هالمسّـدا ودي انقولها حتى ان ماعجباتك
    ولا تــشـــقـــابـــه اليوم الغلا تما امغيـر انصابـه
    ادوّر او ما تلقا اهنـاك اربابـه زمان الوفا بالعهد راح وفاتـك
    لازمـــــان الـغــيــه هاضا زمان النقـص والنقديـه
    ماعد يشقابـك كحيـل اصبيـه ان ما كان عندك محفظة غلاتك
    مايـمـنـعـك تـفـكـيـرك واسمع وصاتي خير من تدبيرك
    انساها اللي شقيّت اليوم بغيرك مهناك كيف الصبر فيه نجاتـك
    ارقـــــد مـتـهـنــي راهن بنات اليـوم مـا والنـي
    ياما اشقيت بيهن وهن خاننـي نازاد ياما ريـت كـي حالاتـك
    ياصـاحـبـي هــاودنــي وانتوبوا على الغيات و اتعاهدني
    ونا قبل ماتوقع تعـال انشدنـي بنات يلعبّن وانتا علـي نياتـك

    ورد عليه الحوتى :
    دير عزيمه وانسى غلاها سمحة التبسيمه
    تمت معا غيرك اليوم امقيمه راجيتا واجد وهي ماجاتك
    لاتنشغل من شوره ولاعاد تشقابا جميل الصوره
    وعدها الا ميت سكن لقبوره هاضا عزايا في حدود امناتك
    لاعليه ادوّر وانسى غلا مولى الجبين امنور
    واصبر علي جرحك اللي متجدد لاخير ف اللي بالخطا كفاتك
    سيبها من بالك وانساها اللي دارت وليف ابدالك
    اتنّوح احذاها ما شغلها حالك كان حقها سابت هاضاك وجاتك
    اترك مدعاها اللي والفت غيرك اليوم انساها
    اشقا بغيرها ياما خلق مولاها ما م الشباب اللي حدود امناتك
    اليوم غنيه واليوم حالت دونها قسميه
    ومي سامره كيفك اتبات هنيه ما اتقول حتى عمرها راعاتك
    نا وحلت في تفسيرها القضيه اللي واخذه عقلك اللي اشغلا تك
    كان حقها وفت احدود الغيه واتسيب الضنا والبيت لجل ارضاتك
    وتعيشوا عقاب العمر فنطازيه ان كلن طلتا منهم وهي طالاتك
    اللي اليوم حالو دونها حسديه عدن سنين اطوال ما راعاتك
    نا انعيب فيها غير مي ع النيه حال غايتي تنسى اللي لاعاتك
    عارفينك مظلوم ميه لميه لاكن انردوا فيك عن راياتك
    خايفين من حاجات حرمانيه ما تلومشي ع الناس كان نهاتك
    اتدير ايش للي عندها ذريه تاخذ غضب غيرك ولا راضاتك
    نا انعيب فيها غير هي مظلومه عطبك عليها يوم كان طراتك
    حال دونها نقار حط احقوقه معاه عقد رسمي موش كي حا لاتك
    امعا خالتك راقد هني في نومه مو مخوفه منك وطول عصاتك

    ورد العبد لله خوكم الحاسى وقال :
    دير أعــــــــــــــــــــــــــزوم * و لا بها تشقى ولا اتشيل اهموم
    اللى بدلك بين امس بين اليوم * معاد يا صاحب اتريد لقاتك
    هــــــــــــــــــــــــــــــذا حالك * غلظ اعزومك شيلها من بالك
    ام العيون اسماح ما تابالك * اللى كنـــت مالك قلبها با عاتك
    هذى حــــــــــــــــــــــواء * وموش امس موش اليوم ولا هو توه
    ما تأمن طبعها فى قول لا فى دوا* هذى وصايفها ان كان جفاتك
    ما تســـــــــــــــــــــال عليهـــــــا * الدنيا كبيره بغيرها ماليها
    بنت الأجواد إن كان قسمك فيها * لا تتركك لا هي اللي خاناتك
    ادفن سريب غــــــــــــــلاها * وانسى اللى ماضي قضيت امعاها
    اللى رخصت سومك وفك الواها * معاد ترجع له ان كان رجاتك
    ما اتخمــــــــــــــــــــــم فيها * ام العيـــــــــون الغادره تبيها
    ان كان صادفت دغرى اكفى ما قيها * منها الظلم كاس المرار سقاتك
    دير عزم وانساها اللي نسياتـك* لو كان فيها خيـر مـا فاتاتـك


    وانا انزيد عليهم ونقول

    فيها خيره ** وانسى غلاها سمحة التصويره
    واشقى بروحك لين تلقى غيره **يصدق معاك يعوضك ما فاتك

    يعوضك ماراح ** وانسى غلا أم العيون سماح
    وبعد الشقى لابد ما ترتاح ** ويعطيك ربى على قصد نياتك

    لا تاخدك تكديره ** وانسى غلا أم العيون كبيره
    واللى جفا يرزق الله بغيره ** يسخر المولى تكون فيه نجاتك
    ===================


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى
    avatar
    فتاة الجبل
    مراقبه العامه للمنتدى
    مراقبه العامه للمنتدى

    عدد المساهمات : 1451
    تاريخ التسجيل : 04/09/2009
    العمر : 33
    الموقع : www.drna.ahlamontada.com

    رد: دير عزم للشرمى + الحوتى + الحاسى +مشركه منى انا

    مُساهمة من طرف فتاة الجبل في الإثنين ديسمبر 28, 2009 4:19 am




    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    رد: دير عزم للشرمى + الحوتى + الحاسى +مشركه منى انا

    مُساهمة من طرف الزعيم في الثلاثاء ديسمبر 29, 2009 2:11 am

    مشكوره على مرورك الكريم


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى

      الوقت/التاريخ الآن هو الخميس نوفمبر 23, 2017 10:28 pm