لا ورد لا رسالة** بير الغلي سفْين عليه ارماله
والعين معطْشه
***********
لا ورّاده ولا بنت تسفي فيه ع الكدّاده
غثيثثّاا مظلِم تعرفه بسواده
ما زوقاته، تلحقه انشعاله.
****
ولا من تحمم باد، م الحدَاده
والسامع يغربل ف الخبر برفاده
****
ولا من شهد نقول ريت شهاده
ولا من العطيب نقول فساله
****
وراه ما يضحك إلاّ لمداده
ونهار الملاطم تفرق الرجاله
****
وراه الوطن ما يعمر إلاّّ باجواده
وما هناك عقده ما لها حلاّله
****
مغير، ها العقل تجلَْ فيه ابراده
ولقيته عليهم يدِقلْ من حاله
****
ويقوللي بعدهم ما لنا شي راده
وفوق من خدوده دمعتا شلاّله
****
وبير الغلي ما عاد فيه مثيل العاده
بومه تغارد فيه يخربْ جاله
لا ورد لا رساله....
****
ولا صيّاحه، ولا ريم يضَيم علي قزّاحه
ان شاء الله يخجن من جديد أرياحه
ويجي الملح للي تلحقا البساله
****
ويجن ف الجهيم مغردات أقداحه
حليب لقح واكل من عفا عدّاده
****
تسمع حوارينا تقول مناحه
علي بات مات معلمين عياله
****
ونريدك علي عاشق إنبلّْ جناحه
ودروب الزمان مبيدات أكباده
****
وبقي مسْخرهْ للهبل والنحّاحه
وطال الرجا، ف الزين ما صدناله
*****
وأيام الغلي كنا إلا فلاّحه
ونبيعوا الغلَه من اخلاف إدلاله
****
وان جينا الوطن نعرفوا بسماحه
وما م اللي شللاّ وشلَيناله
****
ولا للمشاكل والخبر طنَاحه
ولانا خنيسر فوق م البلاّله
لا ورد لا رسّاله...
*****
لادوّاره، ولا بيت عامر يحمدوا خطّاره
ولا ذود يدَاعك علي هدَاره
****
أنيابا مخللي م الزقيق إسْحاله
م الغيظ رغوته فاضت علي منقاره
****
إتقول سمن ذوبه ناصبين حلاله
ونردك علي غالي تفوح عطاره
****
غثيثا تقنع بيه إتقول شماله
له زمان معاي توقد ناره
****
علي قوُ ما تقوي وهي وكّاله
ونغمز وسافي ع الكتوف غراره
****
نشدتك بالله ماي نهباله
لاورد لا رسَله....
ولا مكسوبه، ورينا عليه البير ناشب طوبه
وراهم عليه معدلين صحوبه
علي اترفلهم عاشوا عرب تنباله
****
لا هم حراير يقطعوا في الجوبه
ولا وقتهم واتا عطاهم دابا
****
وإن داروا الزّين للعرب منسوبه
اللي للمعاني والخبر هذماله
****
من جالا إلا غالي لذيذ اسلوبه
عندي العقل ما غيره علم ياباله
****
لا تسال في لونه وكرّت ثوبه
وقلَت مناديها وشويت مالا
****
يشيل في حمول الوقت مثيل إثلوبا
وقعدانه يرغّنْ م الطريق بطاله
****
ومع بنت خدّْها لهلوبه
بالك أسَعْ عقلي يرد هباله
لا ورد لا رساَله.....
****
يا العقل راهن أقسام
ما من بكي جاب ريما
****
ونا ، ناقدك لي ايام
خاطره عليك البعيده
****
لك شهور فوق من عام
ما جبتها في قصيده
****
واللي يفهموا في الكلام
بوبالحمد من درنة السعيدة
****
والا العبيدي فارس الاقلام
اللي ساكن المرج الجديده
****
قالوا تجبيها في قولك بالهام
وما تنقله من جريده
****
ولا ياخذوا قول كلاّم
يقولوه في وجه سيده
****
وما يلهدوا غير بلجام
وما يركبوا غير الجيده
****
وراه العقل مو ديما جمام
مرّات شيخ ويضمَْ في ايده
****
قاللي كحيل لميام
رقيق البشر ما نصيده
****
ان جا يرتشق ف ارض العلام
مسواط حركوا به رغيده
****
وبيده ان قالك سلام
كما برق في ليلة جليده
****
غثيثها وراها عرام
فاتاته تقول ما تريده؟
****
ونا في الخطا موش جرّام
كيف تمتلي كي التبديده
****
انعدّا نواجع أكرام
مشن كي خشوش الحصيده
****
ركابه علي كل ضمضام
اللي لا قفز ديرا يحيده
****
واهل عيله ليوم الخصام
ينشِف بلال القليده
****
شريف أصل ع الضيَف عزَام
مو من اقلال العقيده
****
جراحه عراض الاسلام
الزينا عليهم مكيده
****
ونا معاوده ها الافلام
بالك علي نقيده
****
وكيف تحقَْني ما ننام
راهن ظروفي عديده
****
موش كل فاهق غرام
وموش كل طيحه حميده
****
وراهن دروبي زحام
المهم خوذ الاكيده
****
وصلوا علي النبي في الختام
باسم الجلاله، واللي منطوي
م الوقت فضي باله.
لا ورد لارسّاله....
================
منقول وفيه تحوير منى ايضا واضافة
(امير باحساسي)
