السلام عليكم
اقدم لكم قصيدة ضمّةقشه للشاعر القدير
بوبكر بوخماده
وقد نقلتها لكم كتابةً من مقطع فيديو ,عسى أن شاءالله ماأتكون فيها أخطاء ..
وأرجو أن تنال رضاكم
قاطع العين الواها ** اتريد تلتفت غير الجديد احذاها** قديم اونهو
ماعادجرت قسميه ملذوعه بنار قديم ميه كيه اتناوض مع طولت اسنين رجاه
امغير حايسه طول* النهار عليى* اتقول نا اللى بعدت زول امناها
قاطع العين الواها* اتريد تلتفت غير الجديد احذاها* قديم اونهو
اظروف اصعاب** نين خاطرى منهن ارضى لغلاب
قديم وبعيد العين فيه اتهاب** وجيها لداره قبل فيه دواه
منفور خاطرى مسع بياضه راب** واتلطش ارياحه فالسماء امعلاه
وقديم وين مايخطر* ايدير ضباب* عالين نين ماتنظر اللى يالاها
قاطع العين الواها ** اتريد تلتفت غير الجديد احذاها** قديم اونهو
الليل اسمور** خذاته العين وهى ابكاها جور
عللى زاحا بالنظر مدفور** ودونا عربنا طيبات انياه
عزيز من غيابه خاطرى مكسور** والعين ذارفه جاب البعيد ابكاه
واللى دار فيك العيب مو مجبور** يسمر اسمورك كلمته مشاه
وعطيب العوامه* مايخش ابحور* وقليل الدباير جلوته اتخطاها
قاطع العين الواها ** اتريد تلتفت غير الجديد احذاها** قديم اونهو
ذهب شيرتها** بخطوره وان منام فى غفوتها
قديم خالقه مولاى هو حاجتها** وجديد وين ماتبنى ايهد ابناه
مطرا العين مطرا قوم فى فزعتها** كانت لها تاريخ خاوه اسماه
واليوم والفت ركن الطريق خذتها** ماتقول شى كانت انجوم سماه
وجدت عرب ماتنقطع جرتها** ولاعمر شى قوال جاب نباه
انكان لمت ماتلتام فى لومتها** اوقت الشدايد لاورا تلقاه
وهذى الدنيا مجربه برمتها** ماعمر شى دامن ايام زهاه
وان كانهى عطاتك* واجده عطيتها* وان كانهى خذت تاخذ اللى يلاها
قاطع العين الواها ** اتريد تلتفت غير الجديد احذاها** قديم اونهو
وسلامتكم