منتديات شباب العرب

هلا بكم فى ربوع منتديات شباب العرب وننتظار مشركتكم معنا

www.drna.ahlamontada.com

نشكر كل من سـاهم ويسـاهم في الرقي بـ ,*: بمنتديات شباب العرب:*, ســواء إداريين او مراقبين او مشرفـين او أعضــاء
اتمنا لاستفادة والافادة لجميـــــــــــــــــــــــــــــــــــع*********
نطلب من جميع اعضائنا الكرام:وضع المواضيع حسب الاقسام واي موضوع خارج القسم المحدد سوف نقوم بحذفه
تحية شكرا الي كل منا ساهم او يساهم في نجاح وتطورالمنتدى, لكل من اعجبه المنتدى ويسعى جاهدا لرقي به :ونقول لكم المنتدى منتادك انشى لخدمتكم فساهمو في نجاحه

    نبذه عن عبد الكافي البرعصي

    شاطر
    avatar
    فتاة الجبل
    مراقبه العامه للمنتدى
    مراقبه العامه للمنتدى

    عدد المساهمات : 1451
    تاريخ التسجيل : 04/09/2009
    العمر : 33
    الموقع : www.drna.ahlamontada.com

    نبذه عن عبد الكافي البرعصي

    مُساهمة من طرف فتاة الجبل في الخميس يناير 14, 2010 10:55 am

    السلام عليكم ورحمة الله وبركاته
    عبدالكافي محمد الجالي البرعصي

    مواليد : 1954ف

    أحد رواد التراث الشعبي خاصة في مجال (غناوة العلم) و(الشتاوة)

    بدأ حياته الفنية في السبعينات،لقب ب(كترابيل) لأنه كان يتخطا كل العوائق والمرتفعات الشعرية التي كانت تعترض سبيله

    كان سريع البديهة حاضر الذهن،لاتستعصي عليه القوافي ولا الكلمات ولم يكن يوماً قد أعاد غناوة له أو شتاوة

    تعرض عام 2000 لحادث أليم وبقي في حالة غيبوبة لمدة خمس سنوات افتقده أنداده خلالها


    فقال سليمان الشريمة: ندعو له ايجي بريان...وايعود كي ماكان بينا


    وقال حميد السعيطي:اللي ضناه يرجوا فيه...ابري امرضه ياخالق الدوا


    وقال فتحي العبيدي:غايب عالميعاد قريني...كان بكيت احذاك اعفيني


    وقال جدي البطوم:سيد الصوب اليوم امطوح...غير نفس يمشي وايروح


    وتوفي في عام 2005



    بعض الغناوي التي ألقاها عبدالكافي في جلساته:


    ياواهب ارزاق العين...سهل أقسام مقطوع الرجا

    عزيز فاتك ياكبد...اسملا علي ان ماقسم

    حتى لو أعزاز انكروا...نحلف عليه عقلي عندهم

    جينا اصداف عزيز...اشردن لابكن لا دنقرن

    جميع من مغالي ناس ...قسموله الا أنا ايش دوتي

    انقول حلم ولا علم...بعد اسنين لاقيت جارحي

    حتى والفراق اقسام...اللوم عالقديمين دايره

    جميع مازرعتا صاف...بختي عطيب ياناس في الغلا

    اخطي امعاي والقيها عزيز...قيسني صاحب عشم

    ياريتنا نهار خطاك...متنا عليك ياصاحب الغلا

    العين حالفة للعقل ...انطيعك الا في نسوهم

    من لذع ياعزيز النار ...تقبل جميل لو تاوى علي

    انخاف ياعزيز عليك...اندير كبد تلوي ايدي ابها

    ضماد ياعزيز الجرح...ما اقسى ايديه مو ماوي علي

    اقصرت ياعزيز امعاي...رخيتني ونا ليد مادها



    بعض شتاوات عبد الكافي:


    ديمة يا جوي متعكر...قاعد في لوهام انفكر

    ياجياب نبا فرقاهم...ياريتك عديت امعاهم

    ننشد في فسار منامي...قال ابكي مافيه قسامي

    كان ابكاك ايداوي عقلي...ليل نهار عليه ادقلي

    من سطارسطير جروحي...متملل حتى في روحي

    ماني معتاز لغياتا...الغالي كي روحه اعجباتا

    لا لايم لا عاد قتلنا...من جرح المرهون اوحلنا

    ليلة في ليلة في ليلة...دارن ع لولاف طويلة

    كي جفني للنوم تلاقا...كنك جبتيلي نقناقه

    دمع العين امغير ايهطل...لاجاب غوالي لا بطل

    ياالقديم جضيضي منك...نين عويلي قالوا كنك

    درت غلا في عمري لول...لا حول لا عمره ايحول

    قاعد يا لولاف بلاكم...درنا نا والعين عزاكم

    ماعمره بكاني والي...فيت اديار عزيز خوالي

    ناسيهم في نومي رايق...لكن وين ايجوا نضايق



    جانب رده على كبار المغنيين والشعراء:

    في أغنية لأم كلثوم:كل نار تصبح رماد مهما تقيد الا نار الشوق يوم عن يوم بتزيد


    رد عبدالكافي على ذلك قائلاً:تصبح رماد كل نار...ألا نار مالغالي علي



    حسن الأسمر:كتاب حياتي ياعين ..ماشفت زيو كتاب ..الفرح في سطرين


    رد عبدالكافي:كتاب عمرنا ياعين...سطرين فرح والباقي عزا




    الشاعر خالد الرعيدي:خطم وليف الماضي..تخطيمة الروايا عالغدير الفاضي..غياض زادني


    عبدالكافي:تخطيمة الزاهد ليش...مريت ياقديمي فالغلا



    الشاعر خالد الرعيدي:عرق الشوق ذبل نحسابه..فك اجدابه ..رونق بمهاياة اصحابه


    عبدالكافي:عروق الغلا ذابلات...طرواهن ندابيه ورقن



    الشاعر عمران بوسيف:عن واجد ياما سهيتا ..غير القيتا عقلي كم دار امبكيتا


    عبدالكافي:العقل اللي مسهينه...ديار واجداً باكي بهن


    منقول من احد المنتديات
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    رد: نبذه عن عبد الكافي البرعصي

    مُساهمة من طرف الزعيم في الخميس يناير 14, 2010 11:32 am

    مشكوره جداا فى اختيرك الرائع واشكرك على نقلك الحلو


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى
    avatar
    فتاة الجبل
    مراقبه العامه للمنتدى
    مراقبه العامه للمنتدى

    عدد المساهمات : 1451
    تاريخ التسجيل : 04/09/2009
    العمر : 33
    الموقع : www.drna.ahlamontada.com

    رد: نبذه عن عبد الكافي البرعصي

    مُساهمة من طرف فتاة الجبل في الخميس يناير 14, 2010 2:23 pm

    avatar
    rete
    عضو مشارك

    عدد المساهمات : 56
    تاريخ التسجيل : 22/01/2010
    العمر : 26
    الموقع : www.drna.ahlamontada.com

    رد: نبذه عن عبد الكافي البرعصي

    مُساهمة من طرف rete في الجمعة فبراير 05, 2010 9:44 am

    مشكووووووووووووووووووووورة عزيزتى بنقلك رائع
    avatar
    فتاة الجبل
    مراقبه العامه للمنتدى
    مراقبه العامه للمنتدى

    عدد المساهمات : 1451
    تاريخ التسجيل : 04/09/2009
    العمر : 33
    الموقع : www.drna.ahlamontada.com

    رد: نبذه عن عبد الكافي البرعصي

    مُساهمة من طرف فتاة الجبل في الجمعة فبراير 05, 2010 10:04 am

    اسعدني جا تواجدكي في صفحتي ..... مشكوره

      الوقت/التاريخ الآن هو الخميس نوفمبر 23, 2017 10:34 pm