أثر كلامك في تعلم انا
لاعند تو مارقدت الليل
تحسابه مشى عادي كلامك لنا
بالعكس ماخلاش في حيل
رغم الظروف اللي طونك عنا
ورغم الجفا عانيت منه ويل
وعلى رغم هجرك ياعزيز أحملنا
نا كنت نحسابك أحمول اتشيل
وما احسبت تستخسر عليا رنه
تسأل أو تنشدني عليش عليل
أسباب نبض قلبي زايده لأنه
همشتني تهميش فيه دليل
دليل ماعندك علي محنه
ودليل ماهمك اغياب طويل
هاذا اللي خله أسؤالي كنه
علامات أستفهام فالتحليل
