منتديات شباب العرب

هلا بكم فى ربوع منتديات شباب العرب وننتظار مشركتكم معنا

www.drna.ahlamontada.com

نشكر كل من سـاهم ويسـاهم في الرقي بـ ,*: بمنتديات شباب العرب:*, ســواء إداريين او مراقبين او مشرفـين او أعضــاء
اتمنا لاستفادة والافادة لجميـــــــــــــــــــــــــــــــــــع*********
نطلب من جميع اعضائنا الكرام:وضع المواضيع حسب الاقسام واي موضوع خارج القسم المحدد سوف نقوم بحذفه
تحية شكرا الي كل منا ساهم او يساهم في نجاح وتطورالمنتدى, لكل من اعجبه المنتدى ويسعى جاهدا لرقي به :ونقول لكم المنتدى منتادك انشى لخدمتكم فساهمو في نجاحه

    أضحكوا ؟؟ وان ماقدرتوش حتى الابتسامه منكم تكفينى !!!

    شاطر
    avatar
    ليبية وأفتخر
    مشرفه منتدى الحوار المفتوح
    مشرفه منتدى الحوار المفتوح

    عدد المساهمات : 173
    تاريخ التسجيل : 09/08/2009
    العمر : 36
    الموقع : www.maktoob.com

    أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف ليبية وأفتخر في الجمعة سبتمبر 04, 2009 3:31 pm

    * مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه

    *
    قالك مرة فى زوز مساطيل شبحو ارنب , الاول قاله الارنب هدا ذكر والا ا نتايا .. رد عليه التاني كان جرى ذكر وكان جرت ا نتايا
    *
    وحدة يابانية مشت للعمل و خلت ولدها عند جارتها الليبية مشي الولد قعد ايعيط ما عرفتكش كيف اتسكته قالتله( داوو - سونى - جي في سي ) امك عدت توا تجي
    · مرة واحد بيدير ريجيم وصاه الدكتور يمشي لمدة 15 اليوم على رجليه بعد اسبوعين اتصل بالدكتور قاله انا على حدود السعودية انكمل ولا انروح
    *
    قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط
    *
    مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص
    *
    فى زقرلو"صرصور" مشى لزقرلو في المستشفى قاله ان شاء الله لا باس قاله لا والله شى غير خلعة شبشب
    *
    ماتت جارية لرجل ، فلما دفنها قال : لقد كنت تقومين بحقوقي ولم أكافئك .. اشهدوا علي أنها حرة لوجه الله
    *
    غبي يغازل فى مرته قاللها لو انك بالهند كانو عبدوكي قالت ليش انا ملاك قال لا بقرة
    *
    قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه
    *
    مراة كبيره في سن.. خشت لمحو الأمية ..في الامتحان قالتلها الأبلة ..أعطينا جمله فيها إدغام بغنه قالتله ..عمية تعميك
    *
    نذل يصب لأبوه قهوه قاله بوه شن آخر أخبار النذاله قاله نص القهوه ديتول….
    *
    في شيخ يبي يتزوج سئلوه:قالوله كيف تبي مرتك..قاللهم نبيها والعياد بالله مثل .. أليسا
    *
    واحد يحلق لحيته ! شرين (دق الجرس) الباب جرح روحه بالشفره..علالالالالاش ؟ باش يعرف وين وصل بالحلاقه
    *
    واحد طاح من السلوم مشي يعاين اعطوه بماطة(مرهم) قالوله ادهن مكان الاصابة روح دهن السلوم
    *
    قالك مرة فى ثلاتة أغبياء يلعبو فى السريع اللى تضربه سيارة مرتين يطلع
    *
    واحد عنده عرس على أساس بيديروا جو خش الخال في الزحمة وضرب طلقة بالمسدس وبعدين خش العم وضرب طلقتين بكلاشن وختمهاالبو خش وحدف رمانة
    *
    قالك واحد خـواف قالت له مرته نتمنى انمـوت بين ايديك قاللها مـوتي عند
    اماليك (أهلك) و فكينا من المشاكل

    *
    قالك واحد عند ولد اسمه عار والتاني فضيحه والبنت اسمها طريحه جي واحد اسمه رمضان بيخطب البنت امشي الراجل بضبح علي ولاده قاللهم يا عار يا فضيحه رمضان يبي طريحه
    *
    في واحد مراته حامل امشي قال كاني جاني ولد بأنسميه مبروك امشي مراته جابت ولد وجت الممرضة اتفرح فيه قتله الف الف مبـروك قاللها قمــطي و حطــي في الســـيارة


    _________________
    avatar
    ليبية وأفتخر
    مشرفه منتدى الحوار المفتوح
    مشرفه منتدى الحوار المفتوح

    عدد المساهمات : 173
    تاريخ التسجيل : 09/08/2009
    العمر : 36
    الموقع : www.maktoob.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف ليبية وأفتخر في الجمعة سبتمبر 04, 2009 3:34 pm

    *
    غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟
    *
    مرة واحد غبي ماشي في الشارع لقي واحد صاحبه قاله ازيك ياعلي شكلك اتغير خالص.. الثاني رد عليه بس انا مش علي.. الاول قاله وكمان غيرت اسمك!
    *
    مدرس عربي دخل الفصل قال اليوم حصة املاء.يااولاد اكتبوا: ذهب حسام الى المصيف يوم الاربعاء. قال ولد لو سمحت يااستاذالاربعاء همزة على السطر ولا على الألف؟الأستاذ قاله خلاص ياولدي خليها الخميس.
    *
    مرة واحد توأم شاف اخوه، قال له انت فين من الصبح مش بالدار يخرب شكلك، امي خلتني اتحمم مرتين!!!
    *
    مره زقرلوا(صرصور) ميت على روحه من الضحك أعلاش؟؟ اللي ايلحق فيه بشبشب أحول
    *
    غبي أنقذ واحد غارق.. عطوه وسام شجاعة وقالوله: بس للأسف الراجل انتحر شنقا.. رد الغبي: لا إنا علقته باش ايجف.
    *
    بينما كان مراقب القاعة الامتحانات يقف في آخر الصف.. لاحظ أن أحد الطلاب يغش في الامتحان.. فتقدم منه وقال له: من غشنا فليس منا.. فأجابه الطالب: من راقب الناس مات هماً.
    *
    الأول: اعلاش القطار مهم ؟ الثاني : لأن تحته خطين
    * الأب : هل أخذتم الضرب في الحساب… الابن: نعم يا أبي وفي الجغرافيا أيضاً.
    *
    غبي صايم اتصل على الليبية - fm قالوا: له شن تحب تسمع.. قاللهم: مقطع من أذان المغرب.
    *
    الطفل للأستاذ: هل تعاقبني على عمل ما درتاش؟ .. الأستاذ: بالطبع لا!! الطفل: أمالا… راني ما درتش الواجب
    *
    في مرة من المرات سال طفل صاحب سوبر ماركت هل عندك سكر؟ قال البائع: نعم عندي سكر قال الطفل: ربنا يشفيك.
    *
    مره الام قالت لولدها ايصلحلها الكرسي وقالتله:ياولدي رد بالك من القدومه خير ما ضرك.. فقاللها:ماتخافيش ياامي على خاطر اختي هي الي اتشد في المسامير
    *
    واحد اشري سرير جديد ارقد تحته اعلاش؟ لانه ميكانيكي
    *
    مره بخيل وولده وقفوا تاكسي.قاله:كم ترفعنا للحوش قال السواق:3 دينار البخيل قال: ولدي..قاله السواق بلبلاش قاله البخيل خلاص ارفع ولدي بس
    *
    طالب طلع من الاختبار أول واحد اعلاش ؟ على خاطر بوه قاله نبيك تطلع الأول.
    *
    الأول : كيف تقول لشخص أجنبي تعالي هنا بالإنجليزي ؟ … الثاني : نقول له كم هير… الأول : وكيف تقول له بره غادي بالإنجليزي ؟ .. الثاني : نمشي غادي ونقول له كم هير.
    *
    واحد قال لي بوه أعطيني خمسة دينار بأنديــر دورة ,,,, قالــه: خوذ.. دينارين و وقص قصــان
    * قمة الوفاء: نملة تزوجت فيل ولما مات قعدت طول عمرها تدفن فيه
    *
    عالم كيمياء.. جاه ولد سماه ســـــــــــامي أكسيد الكربون.
    *
    واحد.. فضولي شاف حادث قللهم وسعوا إنا بوأ الميت !ولما وسعوله طلع الميت حمار
    *
    مدرس سأل طلاب ..مني يحس في روحه غبي يوقف…. فوقف طالب سأله الأستاذ حاسس نفسك غبي …قال الطالب لا يا أستاذ بس قلت عيب تكون واقف بروحك
    *
    غبي مقعمز تحت الشمس.. ومعه دودة سألوه.. علاش مقعمز مع دودة قال: نصحني الدكتور بالجلوس تحت الشمس دقائق معدودة. (مع دودة)
    *
    أعمى أجرى عملية ناجحة لعيونه .. ولما بدي يشوف انشل من الفرحه
    *
    في غبي.. انسي مفتاح سيارته إلداخل. فتحوها بعلا قه ملابس امشي دار نسخه للعلاقه
    *
    وحده غبيه صقعانه قربت من النار باش تتدفأ .. بعدها قالت : الله لايحرمنا منها دنيا.. وآخرة
    *
    شخص نادر تزوج امرأة نادرة .. جابوا ولد مهدد بالانقراض ..
    *
    بخيل اتصل بزوجته وسألها : شن الغداء ؟قالتله: زيت وزعتر .. تعفلق وقال لها: اعلاش طيبتي مرتين ؟
    *
    واحد بنا حوشه بشكل دائري باش مرته ما تقولش حابسني بين أربع حيوط.
    *
    واحد أعمى اتبرعتله مرته.. بوحدة من عيونه أول مافتح عينه القي مرته.. عورة طلقها
    *
    شخص بارد جداً تزوج مراة بارده جداً جابوا ولد ابرد منهم دار روحه ميت
    *
    المريض لطبيب العيون : فعلاً النظارة فضيعة ارتاح النظر فيها .. فقال الطبيب: وترتاح أكثر لما انديرلك فيها مرشات
    *
    قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه
    *
    طبيب الأسنان للمريض : اعلاش تصيح .. قاعد ممسيتش سنونك ؟قاله انت عافس على رجلي
    *
    المعلم لتلميذ:اجمع كلمة لص…..التلميذ:عصابة يا أستاذ
    *
    وانبطح الحمار وغردت الزرافه وطار الفيل فوق الشجره واجتمع الاحبه الاسد والغزال ونهقت الحمامه وطربت العصافير ورقص القرد مع الديك غبي يحاول يكتب قصص اطفال
    *
    مره فيه خانب ونذل قال النذل للخانب علمني كيف نخنب تزدان من حد فعلمه..الخانب:توه انت علمني كيف انكون نذل.. يمشي النذل شد الخانب ويقول خاااااااااااانب
    *
    قالك مره فى وحده تنوض فى ولدها قالتله نوض الخدمه قللها خلينى نرقد شويا قالتله نوض يعطيك كيا..قال:ان شاء الله معها موبايل
    *
    وحدة دلوعة تزوجت واحد كاسح .. قالتله: عمرك ما قلتلي كلمه حلوه … قال : حلوة حليب
    *
    جمل في عرسه عزم الحيوانات كلهم ماعدا البقرة خايف من جنون البقر ..جاته البقرة في العرس ويغني وتـقــــــــــــــــــــــول: حتي كان الجنون ضربنا في عــرس جمولا ما غبنا
    *
    التلميذ قال لابلته نحبك يا أبلة ونبي نتزوجك!!!!!!!تزرطت (أحرجت) الابلة وقالته: انا ما نحبش الأولاد الصغار!!!!! قاللها عادي حتى انا مش مستعجل على الصغار
    *
    قالك فى مرة واحد تعرف على وحدة قللها شن اسمك قالتله زهرة قللها شن اسم أختك الثانية قتلة أزهار قلها شن اسم أختك الثالثة قتلة زهور قلها شن اسم خوك قلتلة زهير مشى قالها مالا بطن أمك جردينة
    *
    في واحد شري خروف العيد,,, روح بيه للحوش ولما بينزله من السيارة قعد ينادي يا جمعة يارجب ياخليفة يا مسعود… قاله الخروف تباهي شهدرت بيا توا ننزل بروحي
    *
    مرة في واحد بخيل جاه ولده قاله يا بوي نبي 5 جنيه قاله بوه : اه شن تبي 4 جنيه !و شن بتدير بالتلات جنيه ؟بتاخد شكلاطة متع زوز جنيه ..هاك خود اجنيه
    *
    مرة واحد إمشي بيخطب .. امشي جابتلة البنت طاسة شاهي كيس امشي قام الورقة امتع شاهي الكيس .. وقلها شني ابنبدوا في جو السحر من توى
    *
    وحده تكره راجلها في الدم دارت بازين (أكلة ليبية) وغنت ارفس ارفس يا حميده انشاء الله الليله اخر ليله
    *
    مرة غبي ماشى هو وصاحبته قالتله حى بابا ! قاللها ارزنى توا انقوله اختى !؟
    *
    غبي امشي لدكتــور نفسي ,, قاله الدكتور خيرك ,, قاله و الله مش عارف يا دكتور الناس ديما ايقوللي يا كلب ,, يا كلب ,, قاله الدكتــور من امتى الكلام هذا ,, قاله من لما كنت جرو
    *
    مرة في واحد أهبل يحط في بوه في القبر و يضحك قالوله خيرك قاللهم ذكرني بالبورديم
    *
    مرة واحد تعارك مع امه جابلها طانطة(شاحنة) حليب وقاللها هذا الي بيني وبينك
    *
    واحد يبي يتزوج قال لامه نبيها بيضة وطويلة وتخدم جابتله ثلاجة
    *
    مرة واحد قالوله البحر غدار عدى وشال معه مسدس
    *
    واحد تعرف على بنت قاللها شنى اسمك قتله -وعد- قاللها والله مانى مقايل لواحد
    *
    فى اتنين اغبياء يتعاندو على حاجة فى السماء واحد ايقول شمس وتانى يقول قمر المهم فات من جنبهم غبي تانى قلولها شن هذا شمس وإلا قمر قاللهم مانسكنش هنى
    *
    شنو الفرق بين العنزة الجاهلة والعنزة المتعلمة؟ العنزة الجاهلة اتقول ماء اما العنزة المتعلمة بتقول يد2أ(الرمزالكيميائى للماء)
    *
    فروج(ديك) قال للدجاجه انتي شنو تستفيدي من جيبان البيض والناس ياكلوا فيه قالت والله انا احسن من اللي يأذن وما يصليش
    *
    مره غبي يسأل في خوه:الثعلب يلد ولا يبيض..رد عليه:الثعلب مكار اتوقع منه اي حاجه
    * واحد خواف هلبا طلعله جني في الليل وهو مش حافظ شي من القرأن..قال:طلع البدر علينا
    *
    مره غبيه لقت في بطاقة راجلها مكتوب (رجل أعمال) مسحتها وكتبت راجل خيريه


    _________________
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف الزعيم في الجمعة سبتمبر 04, 2009 7:36 pm

    والله حلوه منك عزيزتى مشكوره وجد
    avatar
    فتاة الجبل
    مراقبه العامه للمنتدى
    مراقبه العامه للمنتدى

    عدد المساهمات : 1451
    تاريخ التسجيل : 04/09/2009
    العمر : 32
    الموقع : www.drna.ahlamontada.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف فتاة الجبل في الأربعاء سبتمبر 09, 2009 3:56 pm

    مشكــــــــــــــــ ليبيه وافتخر ــــــوره وننتظر المزيد
    avatar
    ليبية وأفتخر
    مشرفه منتدى الحوار المفتوح
    مشرفه منتدى الحوار المفتوح

    عدد المساهمات : 173
    تاريخ التسجيل : 09/08/2009
    العمر : 36
    الموقع : www.maktoob.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف ليبية وأفتخر في الأربعاء سبتمبر 09, 2009 9:26 pm

    أسعدنى جدا مرورك يامديرنا .... واهلا وسهلا نورتينى يافتاة الجبل وينك امغطسه وشكرا على مرورك


    _________________
    avatar
    فراس
    عضو مبدع
    عضو مبدع

    عدد المساهمات : 123
    تاريخ التسجيل : 29/08/2009
    العمر : 26
    الموقع : هذا الموفع

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف فراس في الخميس سبتمبر 10, 2009 8:37 am

    مشكوووووووووووووووووووره
    وهذا يدل على روحك المرحه
    تقبلي مروري
    avatar
    ليبية وأفتخر
    مشرفه منتدى الحوار المفتوح
    مشرفه منتدى الحوار المفتوح

    عدد المساهمات : 173
    تاريخ التسجيل : 09/08/2009
    العمر : 36
    الموقع : www.maktoob.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف ليبية وأفتخر في الخميس سبتمبر 10, 2009 7:59 pm

    ان شاء الله بس ايكونن عجبنك ؟؟؟ صح فيهن وحدات ثقيلات ووحدات اقدم !!! بس والله فيهن وحدات حلوووووات
    بس على كا حال أسعدنى جدا ووجدك فى صفحتى


    _________________
    avatar
    لوشة
    مراقبه العامه للمنتدى
    مراقبه العامه للمنتدى

    عدد المساهمات : 582
    تاريخ التسجيل : 31/08/2009
    العمر : 27
    الموقع : www. drna.ahlamontada.net

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف لوشة في الإثنين سبتمبر 14, 2009 5:01 pm

    هههههههههههههههههههههههههههههههههههههههههه والله ياليبية وافتخر ضحكتني بجد
    ونكتك حلووووووووووات مره
    وتقبلي مروري ولكي احترامي وتقديري


    _________________
    avatar
    ليبية وأفتخر
    مشرفه منتدى الحوار المفتوح
    مشرفه منتدى الحوار المفتوح

    عدد المساهمات : 173
    تاريخ التسجيل : 09/08/2009
    العمر : 36
    الموقع : www.maktoob.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف ليبية وأفتخر في الإثنين سبتمبر 14, 2009 5:19 pm

    فرحتنى يالوشه أهم شئ انك ضحكتى....... ونورتى موضوعى بوجودك


    _________________
    avatar
    نور الليالي
    عضو مشارك

    عدد المساهمات : 66
    تاريخ التسجيل : 29/09/2009
    العمر : 24
    الموقع : www.drna.ahlamontada.com

    رد: أضحكوا ؟؟ وان ماقدرتوش حتى الابتسامه منكم تكفينى !!!

    مُساهمة من طرف نور الليالي في الأربعاء سبتمبر 30, 2009 8:46 am

    ههههههههههههههههههه
    حلوه مره

      الوقت/التاريخ الآن هو الثلاثاء أغسطس 22, 2017 6:54 am