// يا شمس ..!//

*-*-*-*-*

بيناتنا ياشمس .. كوني رسيلت ود
لهم وصلي شوقي وجيبي رد
علي لسانا قوليلهم مايجفوا
وقوليلهم مانحملوش الصد
عارفين حالن دونهم ليام
وعارفين هالدنيا صحيح اقسام
لكن مع البعد المودة كافية
وقوليلهم لوينشدوا عالحال
عايشين ندعوا
يالله العافية

*-*-*-*-*

مع طلتك فالصبح .. وانتِ اسباب الصبح
قوليلهم رايفنا
وانكانهم يريدوا ربح .. قوليلهم فالربح
مازال ما ميعادهم خالفنا
في غيابهم وافيين لا مابعنا
ومن غيرهم ما يكون لينا معنى
وحتى ولو ليام ماتجمعنا
لكن مع البعد المودة كافية
وقوليلهم لوينشدوا عالحال
عايشين ندعوا
يالله العافية

*-*-*-*-*