منتديات شباب العرب

هلا بكم فى ربوع منتديات شباب العرب وننتظار مشركتكم معنا

www.drna.ahlamontada.com

نشكر كل من سـاهم ويسـاهم في الرقي بـ ,*: بمنتديات شباب العرب:*, ســواء إداريين او مراقبين او مشرفـين او أعضــاء
اتمنا لاستفادة والافادة لجميـــــــــــــــــــــــــــــــــــع*********
نطلب من جميع اعضائنا الكرام:وضع المواضيع حسب الاقسام واي موضوع خارج القسم المحدد سوف نقوم بحذفه
تحية شكرا الي كل منا ساهم او يساهم في نجاح وتطورالمنتدى, لكل من اعجبه المنتدى ويسعى جاهدا لرقي به :ونقول لكم المنتدى منتادك انشى لخدمتكم فساهمو في نجاحه

    على السماعة

    شاطر
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    على السماعة

    مُساهمة من طرف الزعيم في الجمعة سبتمبر 25, 2009 11:39 am

    وهي عبارة عن وصف حالة شخص عاشق بعد
    أن اتصلت به محبوبته بالهاتف وأبلغته بسفرها المفاجئ
    هي اقروها وقولو رايكم وبصراحة

    نا مسافره قالت علي السماعه=تمن عيوني دموعها بوزاعه
    نا مسافره مضطرّه=حكمن ضروفي القاسيه بالمرّه
    ونا دمع عيني تم يذرف برّه=أنضاري عليها باكية ملتاعه
    وياصاحبي يكفيك ربي شرّه=نهار شين لنقنّه نهار وداعه
    يا من عشق..لفراق ذايق مرّه=فارق جواري الزين حلو أطباعه
    وخلى عيوني صايفه منظرّه=تذرف عليه وطبعها طمّاعه
    نا مسافره قالت علي السماعه=تمن عيوني دموعها بوزاعه
    نا مسافره ياغالي=قالت ونا دمعي ذرف طوّالي
    شي ما حسبته ولا خطر في بالي=ضلّم نهاري ما ظهرش أشعاعه
    عليه أذرفن ما همكن في والي=يا أنظار سيلن لا قيام الساعه
    فارق مرادي بو غثيث طوالي=اللي ما خدعني لا رضيت أخداعه
    اللي صوبها معلق عليه آمالي=اللي زولها قلبي عليه ادّاعه
    اللي طيفها ساكن أفكار خيالي=اللي لصوبها مذعن وقلت الطاعه
    اللي ديارها تمن اليوم خوالي=اللي غوشها تم سكن لضباعه
    ونا خاطري راكب مواج عوالي=تمن غريبه ما تسر أوضاعه
    ونا يا أصحابي لو نظرتو حالي=تقيموا جنازه في صفوف جماعه
    نا مسافره قالت علي السماعه=تمن عيوني دموعها بوزاعه
    مسافره قالتّه=عيوني ف حاله سكرت خلتّه
    حاولت نكمي دموعها بجتّه=عيوني خبيره ف البكا وانواعه
    وهي كيف حالي واضحه عبرتّه=امغير كابرت ماهي اللي خدّاعه
    واريت دمعي دموعها وارتّه=وبس في الحقيقه واخذين قناعه
    ماتت ف صوبي ومتت من لوعتّه=مكوي بناري أمغير دارا أوجاعه
    وانا كميت أوجاع ما حستّه=غريق صوبها وانا بقيت ف قاعه
    وحق من خلق الحق في لحظتّه=تمنيت الارض تصيبها زعزاعه
    تهيج البحور تشيلني موجتّه=وتبقى الجبال الشامخه تدّاعه
    البر والبحر يبقى سوى ساعتّه=ماحي يبقى ولا تصير فزاعه
    ليش الحياة يا اصحاب في غيبتّه=الموت خير في غيبة رقيق اصباعه
    نا مسافره قالت علي السماعه=تمن عيوني دموعها بوزاعه
    نا مسافره خليني=قالت ضروفي يا غلا كاويني
    حاولت نكمي نقول ما تعنيني=لكن غلاها كادني واستاعه
    مانيش حمل غيابكم ياعيني=قالت نعاود حسب الإستطاعه
    وهي كيف حالي أمغير ما تبيني=نبكي عليها ولا انشوف فضاعه
    امغير كيف نصبر يا عذاب سنيني=علي الأم ما يصبر اللي ف أرضاعه
    ساولتها يا بنت لا ترخيني=قالت سوالك ما أنطيق سماعه
    حتى ونحن بعاد ليك حنيني=ولا يوم غيرك ننبهر بإبداعه
    خوذ عهد مني يكون بينك بيني=تبقى حبيّب ليا قيام الساعه
    لكن نريدك بالغلا تحويني=عاهدتها عدت وهي دمّاعه
    نا مسافره قالت علي السماعه=تمن عيوني دموعها بوزاعه


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى
    avatar
    درناوية والشرف لية
    نائب المدير العام
    نائب المدير العام

    عدد المساهمات : 458
    تاريخ التسجيل : 27/08/2009
    الموقع : http://drna.ahlamontada.net

    رد: على السماعة

    مُساهمة من طرف درناوية والشرف لية في السبت سبتمبر 26, 2009 6:19 am



    _________________
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    رد: على السماعة

    مُساهمة من طرف الزعيم في الأحد سبتمبر 27, 2009 3:43 pm

    اشكرك على مرورك الكريم


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى

      الوقت/التاريخ الآن هو الأربعاء سبتمبر 20, 2017 5:48 pm