هده القصيد تحكيي عن شخص اتصل بي بنت والبنت نسياتيه قاتله انتاء من معاش نتدكرك
انخليكم مع القصيده
انت من ؟ ماعاد نذكراسنين مضن ؟ عرف بنفسك قول انت من ؟
عارف من ؟ ني من رجاك أسنين لين أنجن ؟ وأخرها رجايا خاب
عارف من ؟ مانك عارف ؟ وياما عليا كان دمعك ذارف ؟ وياما حكينا
عن الشوق الجارف؟ وياما مراسيلك مشن أوجن ؟ مازال تنشد من ؟
عرفتني تؤ مــــــــــــــــــــــــن؟؟ ...اللي قلت ساقيني الغلا والحِـــــن
ياللــي تريد جواب ..انتا من ؟؟
هذا الجديد الــــــــــــــلافي ... هذا اللي منهل غرامه صـــــــافي
وهذا اللي غالي وحنون اوافي ... ربة أجواد ومــــا ايخيب ضــــن
وهذا اللي اريافه هلب اريـافي ... وأشواقه أمواج بحور ما ايكفـــــن
وهذا شراعي ومركبي ومجدافي…رفيق درب في وسط الكنين سكــن
وهذا غلا واثق ومش هفهــافي … عقيده الغلا عنده ومـــــا هو فـن
وهذا عسل حّنون شهد وصافي ... ربيعه أزهــــــار العمر ما ايصيفن
وكان قال يفعل فِعل مش خرافي ... أيوفي أقدار الصوب ما ايكـنكـن
وع الوعد يبقى وما ايدير إخلافي ... ابشـوفه اجـروح القلب يــدّاوَن
جايد علي بارياف كيف اريـافي ... ونيران شـــوقه اتزيد مــا يطفن
أمـــا القديم اليوم جمره طـــافي ... طون صفحته الأيام ما أيــــردن
عرفته من ؟؟ اللي قلت ساقيني الغلا والحن ..,,