** قَصِيدَةٌ شَعِرِيَةٌ **
عين وطارت .. حتى وهى غريبه عمرها ماصارت
افداك يا كبير الشان .عين وطارت
*****
عين وعــّدت .. وللي تنكفي ما عمر قالوا ردت
مامن اقصور امزخرفات انهدت .. اطرطش ابنا بنيانها ونهارت
ومامن ايتيمه مالفراق تردّت ..عليها خطر غالى وقبره زارت
وما من جديده عالخلايق جدّت .. غريب سرّها فيها العين احتارت
وما من نوايا فالصحارى مدّت .. لَجداب أغسرنها غسر نين تورات
عليها بعد حن الكريم اشتدّت .. وحايت ورق عيدانها واثمارت
*****
عين شماته .. طارت وما صادت اللي راداته
عرق العصر مازال فيه حياته .. حتى انكان هى مالت عليه وجارت
حال ودها تقلع اجذور نباته .. ربيع حر منقار الكداوى خارت
سوقات البدارى داهكات وطاته .. واسيوله امعا خشـة التوت اجّارت
ممطور له ثلاث اشهور ما اطلقاته .. ارعوده ايتلّن والبوارق نارت
اخشوم مزن متكتل عليه سفاته .. ارياح الخمود اللي ابغربي سارت
بين خمسطاش وخمسطاش عطاته .. اشموس دافيه منهن وطاته فارت
*****
ما تنهان ..ولا يوجعك تقليب هاالزمان
الدنيا قديمة طبعها خوّان .. كمين قرم صحّلها امعاه تبارت
وكم فارساً صيته ملا لوطان .. اعداه اسلبوه وفيه ياما دارت
ما اتقول شى صدام فيها كان .. عليه وعلى شعبه ووطنه غارت
اقلوب سود مليانه غضب شيطان .. وايدين ظلم باعلام العداوه شارت
اشكرك جدااا عزيزتى على مرورك
