منتديات شباب العرب

هلا بكم فى ربوع منتديات شباب العرب وننتظار مشركتكم معنا

www.drna.ahlamontada.com

نشكر كل من سـاهم ويسـاهم في الرقي بـ ,*: بمنتديات شباب العرب:*, ســواء إداريين او مراقبين او مشرفـين او أعضــاء
اتمنا لاستفادة والافادة لجميـــــــــــــــــــــــــــــــــــع*********
نطلب من جميع اعضائنا الكرام:وضع المواضيع حسب الاقسام واي موضوع خارج القسم المحدد سوف نقوم بحذفه
تحية شكرا الي كل منا ساهم او يساهم في نجاح وتطورالمنتدى, لكل من اعجبه المنتدى ويسعى جاهدا لرقي به :ونقول لكم المنتدى منتادك انشى لخدمتكم فساهمو في نجاحه

    الشاعر.. العابد بوخمادة ...ياقبر بين أقبوره

    شاطر
    avatar
    الزعيم
    المدير العام
    المدير العام

    عدد المساهمات : 1991
    تاريخ التسجيل : 24/07/2009
    العمر : 40
    الموقع : www.drna.ahlamontada.com

    الشاعر.. العابد بوخمادة ...ياقبر بين أقبوره

    مُساهمة من طرف الزعيم في الإثنين سبتمبر 07, 2009 8:21 pm

    الشاعر.. العابد بوخمادة في رثاء زوجته ...ياقبر بين أقبوره
    *****
    ياقبر بين اقبوره .. بترابك تغطا فيك سمح الصورة .. احسن اضيافته

    ياقبر قبله خالى ... وجاك ضيف م الدنيا عزيز وغالى
    اسوال النبى ياقبر عين الفالى ... لا ترعبه ضيك اضوى بحضوره
    مادار بيش اتضايقه هيالى ... ولا انحمل ظيمه غير تما بوره
    غالى وخلالى اعزاز غوالى ... امحظن عليهم ريشتى مكسوره

    *-*-*

    ياقبر سلمنالك غالى ...عزيز وخود منا بالك
    لا تظايقه خفف عليه اثقالك ... وابقاله ونس م الخوف وابقى نوره
    اللى لا يجيك ولا دفا يبقالك ... لوكان البشر يفداه من مقدوره
    لكن الروح اختص بيها مالك ... كمين طير قبله هليه لطيوره

    *-*-*

    ياقبر جالك عامر .. بزول عزيز ونا انكابى سامر
    لوعه الصدمه فى افوادى ضامر ... والكيه على القيته امحضوره
    ماللى غلاهم بيه ما ايتغامر ... فيهم انجنب للبكاء وامحظوره
    خايف عليهم مالرميس الجامر ... الا نا دوا الكبر يا مكبوره


    *-*-*
    ياقبر فى جبانه .. علي اسكنك مايكمل سريب عزانا
    ولا عد ايحودد فيك وقت ابكانا ... عزيز غزمنا مارق سل اجدوره
    خلالنا ودايع قاطعات الوانا ... واوهام فى اماشينا اتبا اضروره
    اسم الله علينا ياغياب زهانا ... دوبينا حيين فوق قصوره


    *-*-*
    ياقبر ماننساه .. حتى لو اترابك رادمه وكلاه
    مازلت عايش فى اوهام غلاه ... ومازال ساكنى بصوت وصوره
    مابا ايفارقنى بعد فرقاه ... ولا انسيتله برمه عزيز ونوره
    ولابا على ايكف بمهاياه ... فى كل حيطه صورته منظوره


    *-*-*

    ياقبر سود هدابه .. حتى ابياساته وطول غيابه
    على ماتواره بهجته وشبابه ... فياماً وهى متبسمه وغروه
    وعاطيه بياض الوجه موش اغرابه ... اللى بيه ظرتنا وهى مجبوره
    اتزهى نصيب وعندها نقلابه ... كمين وطن عامر عاليات قصوره
    خلاته وخلاته يثواب اترابه ... بعد عز واجد دوحت جموره
    واللى قب حاسبله حساب وهابه ... بعين الطمع تما ايبهت شوره
    ياقبر بين اقبوره .. بترابك تغطا فيك سمح الصورة .. احسن اضيافته


    _________________
    مايغربك شيب فى الراس،،،،،،،،،،،،،ولا عكرشة فى جبينى

    مازلت مليان باحساس،،،،،،،،،،،،،،،،،ومازالدافى عوينى

    مازلت للصيد قناص،،،،،،،،،،،،،،، مازلت نتبع عينى

    مازلت للصوب غراس ،،،،،،،،،،،عالطل ينبت دفينى
    avatar
    درناوية والشرف لية
    نائب المدير العام
    نائب المدير العام

    عدد المساهمات : 458
    تاريخ التسجيل : 27/08/2009
    الموقع : http://drna.ahlamontada.net

    رد: الشاعر.. العابد بوخمادة ...ياقبر بين أقبوره

    مُساهمة من طرف درناوية والشرف لية في الجمعة سبتمبر 11, 2009 6:28 am



    _________________

      الوقت/التاريخ الآن هو الأربعاء سبتمبر 20, 2017 3:43 pm