الا اعيون فينا زايغات مريضه ,, حتى في ارمضان ادير في تخويضه
ما هنّني ,, اتقول في حدقهن عشرطاش الجني
ايجولن ايصولن بحثهن متعنّي ,, اتقول يشربن من نبع زايد فيضه
مع كل وحده خاطمه بتغنّي ,, وحشيشه و كـــيف الحمر ليها وبيضه
والسمر بدري املاح قولي لانّي ,, ما اقدرت غض النظر لا التغميضه
مع جنس حواء انذوب ها مدّني ,, نعشق هواهن غير موش فريضه
نردح انهيم انموج هن لاقنّي ,, ايريدن غلا عالي السوم وريضه
ونا ما آبخلت وين ما وصلنّي ,, عطيتهن زكاتي ووافيه تفريضه
وتو في ارمضان الشهر ما ارحمنّي ,, ايريدن هواهن رققن في اغريضه
الا اعيون فينا زايغات مريضه ,, حتى في ارمضان ادير في تخويضه
الا اعيونّا توصايا ,, ايريضن معا مسلك ايجيب صبايا
انحاول انغضه النظر يا مطرايا ,, تفلت وشي ما ايصير من تغضيضه
انقيم حرمته ها الشهر حد الغايا ,, كثرت الفتنه دايره اتعوريضه
واليوم الصبايا لبس كان عرايا ,, كاسيات قالن نتبعوا التمويضه
الشعر سالت ملورا كي املايا ,, كاسي من قدام ريت مخيضه
واستغفر الله وانتوب شايل رايه ,, نبي التوبه انريدها التوعيضه
وعليكن ثلاث ارباع ذنبي ودايا ,, ديرن خمار اتصحلي التغميضه
الا اعيون فينا زايغات مريضه ,, حتى في ارمضان ادير في تخويضه
ما هنّني ,, اتقول في حدقهن عشرطاش الجني
ايجولن ايصولن بحثهن متعنّي ,, اتقول يشربن من نبع زايد فيضه
مع كل وحده خاطمه بتغنّي ,, وحشيشه و كـــيف الحمر ليها وبيضه
والسمر بدري املاح قولي لانّي ,, ما اقدرت غض النظر لا التغميضه
مع جنس حواء انذوب ها مدّني ,, نعشق هواهن غير موش فريضه
نردح انهيم انموج هن لاقنّي ,, ايريدن غلا عالي السوم وريضه
ونا ما آبخلت وين ما وصلنّي ,, عطيتهن زكاتي ووافيه تفريضه
وتو في ارمضان الشهر ما ارحمنّي ,, ايريدن هواهن رققن في اغريضه
الا اعيون فينا زايغات مريضه ,, حتى في ارمضان ادير في تخويضه
الا اعيونّا توصايا ,, ايريضن معا مسلك ايجيب صبايا
انحاول انغضه النظر يا مطرايا ,, تفلت وشي ما ايصير من تغضيضه
انقيم حرمته ها الشهر حد الغايا ,, كثرت الفتنه دايره اتعوريضه
واليوم الصبايا لبس كان عرايا ,, كاسيات قالن نتبعوا التمويضه
الشعر سالت ملورا كي املايا ,, كاسي من قدام ريت مخيضه
واستغفر الله وانتوب شايل رايه ,, نبي التوبه انريدها التوعيضه
وعليكن ثلاث ارباع ذنبي ودايا ,, ديرن خمار اتصحلي التغميضه
الا اعيون فينا زايغات مريضه ,, حتى في ارمضان ادير في تخويضه
